ورتالىق ازيا تالانتتاردى ىزدەيدى جوباسى كاستينگ وتكىزىپ جاتىر

Got Talent - بريتاندىق سايمون كوۋەللدىڭ جوباسى. بۇگىنگە دەيىن بۇل فورمات ليتسەنزيا ارقىلى الەمنىڭ 70 ەلىندە جۇزەگە اسىرىلعان. 2014 -جىلدىڭ ءساۋىر ايىندا Got Talent الەمدەگى ەڭ تابىستى تەليەۆيزيالىق فورمات رەتىندە گيننەستىڭ رەكوردتار كىتابىنا ەنگەن.

«حابار» تەلەارناسىنىڭ باستاماسىمەن ورتالىق ازيانىڭ تالانتتى تۇرعىندارىن ءبىر الاڭعا جيناماقپىز. وتاندىق ارنالاردا بۇعان دەيىن ءان، بي، سپورت جارىستارى وتكەن بولاتىن. ال ءبىزدىڭ بايقاۋدا كەز كەلگەن دارىندى ادام باعىن سىناپ كورە الادى. وسىلايشا، ورتالىق ازيا ەلدەرى اراسىنداعى رۋحاني، مادەنيە ينتەگراتسيانى دامىتامىز جانە وسى جوبادا تانىلعان قاراپايىم ادامدار 4 ەلدە بىردەي تانىمال بولادى» ، - دەدى «حابار» اگەنتىگى» ا ق باسقارما ءتوراعاسىنىڭ ءبىرىنشى ورىنباسارى رينات كەرتايەۆ.

 جوبانىڭ باس پروديۋسەرى سەرىك اقىشيەۆتىڭ ايتۋىنشا، Central Asia's Got Talent شوۋى «حابار» (قازاقستان) ، «Zo'r TV» (وزبەكستان) ، كترك (قىرعىزستان) جانە «تۆ سافينا» (تاجىكستان) تەلەارنالارىنان كورسەتىلەدى. شوۋعا ورتالىق ازيا مەن وزگە دە ەلدەردىڭ ازاماتتارى قاتىسا الادى. ۇمىتكەردىڭ جاسى مەن تالانتىنا ەش شەكتەۋ قويىلمايدى.

جوباعا قاتىسۋ ءۇشىن ورتالىق ازيا تۇرعىندارى جانە شەتەلدىكتەر 77006002424 نومەرىنە حابارلاما جىبەرە الادى نەمەسە الەۋمەتتىك جەلىلەردەگى جوبانىڭ رەسمي پاراقشالارىنا، پوشتاسىنا (@centralasiagottalent) حات جولداۋى ءتيىس.

جوبا 5 كەزەڭنەن تۇرادى. ىرىكتەۋ، اشىق تىڭدالىم، شيرەك فينال، جارتىلاي فينال جانە اقتىق فينال. ءبىرىنشى كەزەڭدە جوباعا قاتىسۋشىلاردىڭ وتىنىمدەرى قابىلدانادى جانە 4 ەلدە ىرىكتەۋ كەزەڭى جۇرگىزىلەدى.

جوبانىڭ باس جەڭىمپازىنا 10 ميلليون تەڭگە كولەمىندە جۇلدە تاعايىندالعان، ودان بولەك ءتورت ەلدىڭ جەڭىمپازىنا دا 3 ميلليون تەڭگەدەن سىياقى بەرىلەدى.

ۇيىمداستىرۋشىلاردىڭ ايتۋىنشا، 2019 -جىلدىڭ قىركۇيەك ايىندا شوۋدىڭ تۇساۋى كەسىلەدى. ال جەلتوقسان ايىندا گراند فينال وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى