قازاقستاندىق فيلم حالىقارالىق فەستيۆالگە قاتىسادى

«قازاق فيلم» كينوستۋدياسىنىڭ باسپا ءسوز قىزمەتىنىڭ حابارلاۋىنشا، فەستيۆال 2019-جىلعى ءساۋىردىڭ 18-26- ارالىعىندا يراننىڭ استاناسى تەگەراندا وتەدى.

ءابىش كەكىلبايەۆتىڭ «شىڭىراۋ» پوۆەسىنىڭ جەلىسى بويىنشا تۇسىرىلگەن كارتينا قۇدىق قازۋشى ەڭسەپتىڭ وقيعاسىن بايانداي وتىرىپ، مەنمەندىك، باقتالاستىق، ماحاببات، دوستىق، قاستاندىق سىندى ادامعا ءتان قۇبىلىستاردى كوتەرەدى.

«فيلم تەك كينوفەستيۆال تالاپتارىنا عانا ەمەس سونىمەن قاتار كورەرمەندەردىڭ دە كوڭىلىنەن شىعاتىنىنا سەنىمدىمىن. سەبەبى فيلمگە ارقاۋ بولعان تاقىرىپ تىڭ جانە قۇپيا مەن سىرعا تولى كاسيەتتى ماڭعىستاۋدىڭ عاجايىپ تابيعاتى شىعارمانىڭ بوياۋىن قانىقتىرىپ، وعان تەرەڭ استار جۇكتەدى»، - دەدى فيلمنىڭ رەجيسسەرى جانىبەك جەتىرۋوۆ.

اتالعان فيلم بانگلادەشتىڭ داككا قالاسىندا وتكەن 17- ح ك ف ۇزدىك وپەراتورلىق جۇمىس نوميناتسياسى بويىنشا جەڭىسكە جەتكەن.

ايتا كەتسەك، Fajr International Film Festival FIFF يران كينوسىنىڭ دامۋىنا ۇلكەن اسەر ەتكەن، باسقا ەلدەرمەن مادەني الماسۋعا ىقپال ەتەتىن ءىرى كينوفەستيۆال. نەگىزى 1982-جىلى قالانعالى بەرى فەستيۆالدىڭ قازىلار القاسى قاتارىندا الەم كينەماتوگرافىنىڭ بەلدى تۇلعالارى - فولكەر شلەندورف، كشيشتوف زانۋسسي، بەلا تارر، اگنەشكا حوللاند، اندرەي زۆياگينتسيەۆ جانە رۇستەم يبراگيمبەكوۆ بولعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى