تۇركىستاندىق ونىمدەردىڭ ەكسپورتىن ۇلعايتۋ جوسپارلانۋدا

جيىننىڭ ماقساتى - ەكسپورتتىق الەۋەتتىڭ ءوسۋىن قامتاماسىز ەتۋ بويىنشا ءبىرىڭعاي ساياساتتى قالىپتاستىرۋ، دەپ حابارلايدى وبلىستىق اكىمدىكتىڭ باسپا ءسوز قىزمەتى.

كەڭەسكە «KazakhExport» س ك ك ا ق باسقارما ءتوراعاسى ر. ىسقاقوۆ، «اگرارلىق نەسيە كورپوراتسياسى» ا ق باسقارما ءتوراعاسى ن. سارىبايەۆتىڭ، جەتەكشى ەكسپورتتاۋشىلار قاتىستى.

جيىن بارىسىندا تۇركىستان وبلىسى اكىمىنىڭ ورىنباسارى م. مىرزاليەۆ ءوڭىردىڭ سىرتقى ساۋدا تاۋار اينالىمىن باياندادى.

«ءوڭىردىڭ نەگىزگى يمپورتتاۋشىلارى - رەسەي (175483,1 مىڭ ا ق ش دوللارى)، وزبەكستان (37023,1 مىڭ اقش دوللارى) ، سونداي- اق ەۋروپا وداعى (66639,4 مىڭ ا ق ش دوللارى) جانە ازيا (49326,4 مىڭ ا ق ش دوللارى) ەلدەرى. ال شەتەلگە ەكسپورتتالاتىن نەگىزگى تاۋارلار مينەرالدىق ونىمدەر (199691,5 مىڭ ا ق ش دوللار)، مال جانە وسىمدىك تەكتەس ونىمدەر، دايىن ازىق-تۇلىك تاۋارلارى (52932,3 مىڭ ا ق ش دوللار)، حيميا جانە ونىمەن بايلانىستى ونەركاسىپ سالالارىنىڭ ءونىمى (كاۋچۋكتار مەن پلاستماسسالاردى قوسا العاندا) (47449,9 مىڭ ا ق ش دوللار)»، - دەدى م. ياباي ۇلى.

تۇركىستان وبلىسى - باقشا داقىلدارىن، ماقتا مەن توقىما ونىمدەرىن ەكسپورتتاۋدان رەسپۋبليكادا الدىڭعى ورىندا. بۇدان باسقا وڭىردە ماشينالار، جابدىقتار، كولىك قۇرالدارى، اسپاپتار مەن اپپاراتتار ەكسپورتتالادى.

سونداي-اق، وبلىس اكىمىنىڭ ورىنباسارى ءوڭىردىڭ ەكسپورتتىق الەۋەتكە ىقپال ەتەتىن گەوگرافيالىق ارتىقشىلىعىن ايتىپ، ەكسپورتتى ۇلعايتۋعا «باتىس ەۋروپا - باتىس قىتاي» حالىقارالىق كولىك كورريدورى ىقپال ەتەتىنىن جەتكىزدى.

كەڭەس بارىسىندا ءاربىر ەكسپورتتاۋ بويىنشا ماسەلەلەردى شەشۋ جولدارى جانە ودان ءارى قىزمەتتى دامىتۋ ءۇشىن جاعدايلاردى جاقسارتۋ مۇمكىندىگى تۋرالى تالقىلاندى.

شارا قورىتىندىسى بويىنشا ەكسپورتتاۋشىلاردى قولداۋ ءۇشىن ۋاكىلەتتى مەملەكەتتىك ورگاندار مەن ۇيىمداردىڭ قاتىسۋىمەن جوبالىق كەڭسە قۇرىلىپ، جەدەل ارەكەت ەتۋ ءۇشىن Call-ورتالىق ۇيىمداستىرىلاتىن بولدى. سونداي-اق، ساندىق ساۋدا پلاتفورماسىن قۇرىلادى. ونىڭ ماقساتى - تۇركىستان وبلىسىنىڭ ونىمدەرى الەمدىك نارىققا كەدەرگىسىز شىعۋ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى