اقمولا - استانا - نۇر-سۇلتان: قالا تاريحىن باياندايتىن جاڭا جوبا تانىستىرىلدى

ۆەب- سايت 1991 -جىلدان 2019 -جىلعا دەيىنگى بارلىق ەلەۋلى وقيعالار مەن مۇراعاتتىق جانە بەينەماتەريالدار نەگىزىنەن قۇرالعان.

جوبانى جاساۋشى شىعارماشىلىق توپ مۇشەلەرىنىڭ ايتۋىنشا رەسۋرس ءماتىن جانە بەينەفيلممەن قاتار جاڭاشىل مۋلتيمەديالىق امبەباپ فورماتتا ازىرلەنگەن.

«ءبىز وزگەرىستەر داۋىرىندە ءومىر ءسۇرىپ جاتىرمىز. ەلىمىزدە ەلەۋلى تاريحي وقيعالار ورىن الۋدا. ءبىز ەل دامۋىنداعى جاڭا كەزەڭنىڭ كۋاسى بولىپ وتىرمىز. كوماندامىز قازاقستاننىڭ بارلىق باستى وقيعالارىن بەينەلەۋگە تالپىندى. بۇل ۆەب- جوبادا - ەلىمىزدىڭ قالىپتاسۋ تاريحىن باستى وقيعالاردىڭ تىزبەگى ارقىلى تانىستىرۋعا تىرىستىق. تسيفرلىق الەمدە ءومىر ءسۇرىپ، اقپارات الىپ وتىرعان وسكەلەڭ ۇرپاققا ەلىمىزدىڭ تاريحى حرونولوگيالىق رەتپەن، قاراپايىم ءارى جەڭىل سوزدەرمەن جەتكىزىلەدى»، - دەدى «قازكونتەنت» ا ق- نىڭ باسقارما ءتوراعاسى دۋمان قوجاحمەتوۆ و ك ق-دە وتكەن باسپا ءسوز قىزمەتىندە.

ونىڭ ايتۋىنشا، الداعى ۋاقىتتا ۆەب-دەرەك جوباسى تاريحىمىزدا ورىن الاتىن ماڭىزدى وقيعالارمەن تولىقتىرىلىپ وتىراتىن بولادى. ونداعى نەگىزگى ەرەكشەلىك سايتتىڭ جۇيەلى جانە جاڭا فورماتتا بولۋى، سونداي- اق، قىسقا ءارى نۇسقا بولۋىندا.

«ءبىزدىڭ ماقسات - تاريحتى تۇسىنىكتى تىلمەن، ارتىق پافوسسىز ناسيحاتتاۋ. جوبا 2016 -جىلى قولعا الىنعان بولاتىن، ونىڭ جاسالۋىنا 10 ادام قاتىستى. ۆەب- دەرەكتەر سايتىندا ەلوردا تاريحىنا قاتىستى بۇرىن سوڭدى جاريالانباعان 100 فوتو جۇكتەلدى. بۇل استانا جانە الماتى قالاسىنىڭ ارحيۆتەرىمەن بىرىككەن جۇمىستىڭ ناتيجەسى»، - دەدى ول.

ۆەب-دەرەكتى جوبا قازاق جانە ورىس تىلىندە Astana-Nursultan.web-doc.kz سىلتەمەسىندە قولجەتىمدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى