نۇرسۇلتان نازاربايەۆ: قازاقستانعا كەلىپ، ەڭبەگى سىڭبەي جاتىپ، ءبىزدى اسىراڭدار دەگەندى ەستىپ ءجۇرمىن
«كوپبالالى انالارعا، تۇرمىسى ناشار ادامدارعا كومەك جاسالىپ جاتىر. ەڭ تومەنگى جالاقى جىل باسىنان 1,5 ەسە كوبەيتىلەدى. 1- ساۋىردەن باستاپ كوپبالالى انالارعا، ءار بالاعا، تابىسى تومەندەرگە كومەك بەرىلىپ جاتىر. ءبىراق، مەملەكەتتەن «بەرە بەر» دەپ وتىرماي، جۇمىس ىستەۋ كەرەك. قاي قازاق بالانى تۋعىزىپ، كورشىسىنە اسىرا دەپ بەرگەن؟ ەركەك ادامنىڭ «بالانى تۋعىزدىم، ءوزىم اسىرايمىن، جەتكىزەمىن» دەگەن نامىسى بولۋى كەرەك. دۇنيەجۇزىندە سولاي. مەن قاراقالپاقستاننان كەلدىم، 10 بالاممەن بىرگە اسىرا دەيدى. ءبىز جۇمىس بەرۋىمىز كەرەك ەلگە. بالا-شاعاسىن اسىراۋ ادامنىڭ ءوز باسىنداعى مىندەتى. ءبىزدى انالارىمىز سولاي اسىرادى. ءبىز دە سولاي وسكەن ادامبىز. قازاقستانعا كەلىپ، ەڭبەگى سىڭبەي جاتىپ، ءبىزدى اسىراڭدار، پەنسيا بەرىڭدەر دەگەندى ەستىپ ءجۇرمىن. ونىڭ ءبارى دۇرىس ەمەس. ءبىراق مەملەكەتتىڭ جاعدايى جاقسى. ءوزىنىڭ بولاشاققا رەزەرۆى بار: يندۋستريالىق، اۋىل شارۋاشىلىعى سالالارى، بارلىق جاعىنان. قازاقستان بويىنشا جولدار سالىنۋدا. ءار اۋىلعا گاز كەلىپ جاتىر. باسقا دا كەرەك جاعداي بار. تەك جۇمىس ىستەپ، جاستارعا وقىپ، ءبىلىم الۋ كەرەك. سوندا عانا جانۇياسىن باعاتىن بولادى، وزىنە جاقسىلىق ىستەيتىن بولادى»، - دەدى ن. نازاربايەۆ.
كەزدەسۋ بارىسىندا ەلباسى «ەلۋ جىلدا - ەل جاڭا، ءجۇز جىلدا - قازان» دەگەن ماقالدى كەلتىرىپ، جاس ۇرپاق تۋرالى ءسوز قوزعادى.
«قۇرداستارىم از قالدى. بىرەن-ساران تانىستار بار. جاس ۇرپاق ءوستى. جاڭادان ەل بولىپ كەلە جاتىر. شامالعاندا 20 مىڭ ادام تۇرادى. شامال دەگەن اتىن قايتا اكەلدىم. تۋعان جەرىمىز پاسپورتتا شامالعان دەپ جازىلعان، ونى وزگەرتىپ قايتەمىز. ءارقايسىڭىزعا دەنساۋلىق، باقىت، ساۋلەتتى ءومىر تىلەيمىن»، - دەدى تۇڭعىش پرەزيدەنت.
