قازاقستاندا تۋريستىك پوليسيا قۇرىلادى
جاقىندا بەرگەن سۇحباتىندا ەرلان قوجاعاپانوۆ قىتاي، ءۇندىستان ەلىنىڭ تۋريستەرى قازاقستانعا سۇلۋلىق بايقاۋلارىن تاماشالاۋعا كەلەتىنىن ءمالىم ەتكەن بولاتىن. بۇل اڭگىمەنىڭ الەۋمەتتىك جەلىدە ءبىرشاما تالقىلانعانى بەلگىلى.
«سۇلۋلىق بايقاۋى، ۇلتتىق سپورت ءتۋرنيرى، گاسترونوميالىق فەستيۆال نەمەسە مۋزىكالىق ءىس- شارا بولسىن، ساۋاتتى ۇيىمداستىرۋ جانە دۇرىس ماركەتينگ بولسا، سىرتتان كەلەتىن جانە ءوز ەلىمىزدەگى كوپتەگەن تۋريستەردى تارتۋعا قابىلەتتى. سوندىقتان، «ميسس قازاقستان» - ادەمى جانە قوناقجاي ادامدار تۇراتىن ەل رەتىندە قازاقستاندى ىلگەرىلەتۋدىڭ ءبىر ءتاسىلى» ، - دەيدى ۆيتسە- مينيستر.
ەرلان قوجاعاپانوۆ ءوز سوزىندە الەۋمەتتىك جەلىدەگى وسى تاقىرىپتاعى ءتۇرلى ويلاردان حاباردار ەكەنىن ءبىلدىردى.
«ەگەر تەرىس ويمەن اقپارات ىزدەسەڭىز، ونى بارلىق جاعدايدان تابۋعا بولادى. مۇنداي ستەرەوتيپتەردەن ارىلۋ كەرەك. ەگەر جالپى كەلىپ جاتقان تۋريستەردىڭ اراسىندا تەرىس پيعىلدى تۋريست بولسا، بۇل بۇكىل سول ءوڭىر ءۇشىن شەكارانى جابۋ كەرەك دەگەن ءسوز ەمەس. مۇنداي جاعدايلاردىڭ الدىن الىپ، ەلىمىزدىڭ ونداي يميدجبەن تانىلۋىنا جول بەرمەۋ كەرەك. تۋريستىك سالانى دامىتۋعا جاۋاپ بەرەتىن ۆەدومستۆو اتىنان رەسمي مالىمدەيمىن: ءبىزدىڭ ەلىمىزدى ءوزىنىڭ ارسىز پيعىلىن ىسكە اسىرۋعا پايدالانۋدى كوزدەگەن كەز كەلگەن ازامات قاتاڭ قۋدالانادى جانە ونداي تەرىس پيعىلدى ادامدار زاڭ بويىنشا جازالانىپ، ەلدەن قۋىلاتىنىن ەسكە سالعىم كەلەدى» ، - دەيدى ول.
ۆيتسە- ءمينيستردىڭ سوزىنشە، بۇل جۇمىسپەن ىشكى ىستەر مينيسترلىگى مەن جاڭادان قۇرىلاتىن تۋريستىك پوليسيا اينالىسادى.
