ۇلتتىق ارنادا «جاڭعىرىق» جوباسى باستالادى
«باسىم باعىتىمىز - ۇلتتىق ءان- كۇي ونەرى. «مەن قازاقپىن» ۇلتتىق مەگا جوباسى مەن «ۇلى دالا سازى» جوباسى - اقپاراتتىق كەڭىستىگىمىزدەگى ۇلتتىق مۋزىكا باعىتىنداعى بىرەگەي جوبالار رەتىندە ءوز ورنىن ايقىندادى. «Qazaqstan» تەلەارناسىنىڭ كورەرمەندەرى سانالۋان، سونىڭ ىشىندە جاستاردىڭ ۇلەسى كوپ. سول جاستاردىڭ وتاندىق مۋزىكانى تىڭداپ، تالعامى مەن تاڭداۋى قاتار دامۋى ءۇشىن زاماناۋي مۋزىكاعا دا دەن قويىپ وتىرمىز. جاڭاشىل تۋىندىلار ۇسىنىپ جۇرگەن جاستاردى دا قولداپ كەلەمىز. ءوز جەرىمىزدە پايدا بولعان q-pop جانرىنىڭ جانكۇيەرلەرى دە كوپ. قازاق ءتىلى مەن قازاق مۋزىكاسىن تۇرلەندىرىپ، وزدىگىنشە دامىتقان بۇل سۋبمادەنيەتكە دە ارنامىز ەفيرىنەن ورىن بەردى» ، - دەدى جوبا پروديۋسەرى ماقپال جۇماباي و ك ق- دا وتكەن باسپا ءسوز ءماسليحاتىندا.
ونىڭ ايتۋىنشا، ەلىمىزدىڭ مادەني ومىرىندەگى ەلەۋلى وقيعا - ديماش قۇدايبەرگەننىڭ حالىقارالىق دەڭگەيدەگى «ارناۋ» اتتى ءىرى كونتسەرتىن «قازاقستان» تەلەراديوكورپوراتسياسى ۇيىمداستىرىپ وتىر.
«نازارلارىڭىزعا ۇسىنىپ وتىرعان «JańǵyryQ» جوباسى زاماناۋي قازاق مۋزىكاسىندا ءوز جولىن سالىپ كەلە جاتقان اۆتورلىق مۋزىكاعا ارنالعان. بۇل جوبا وزىندىك ويىمەن، ورىنداۋ مانەرىمەن، شىعارماشىلىق يدەياسىمەن ەرەكشەلەنەتىن اۆتورلاردى جينايتىن مۋزىكالىق الاڭ. «JańǵyryQ» - اۆتورلىق مۋزىكا مەن جاندى دىبىستى ناسيحاتتايتىن ەلىمىزدەگى بىردەن- ءبىر مۋزىكالىق جوبا. بۇل جوبا مۋزىكا سالاسىنداعى اۆتورلىق كوزقاراس پەن ورىنداۋشىلىق وزگەشەلىكتەردى كورسەتۋىمەن قۇندى. جوبا بۇقارالىق سيپات العان بۇگىنگى ءان ونەرىنە جاڭا تىنىس بەرەدى. سول ارقىلى وزىندىك اۋەزى مەن ۇستانىمى بار اۆتورلاردىڭ قالىپتاسۋىنا سەبەپ بولماق. ءبىز «JańǵyryQ» جوباسى ارقىلى جاڭا مۋزىكالىق باعىتتاردىڭ، مادەني قاۋىمداستىقتاردىڭ تۋۋىنا ىقپال ەتەمىز دەپ سەنەمىز» ، - دەيدى ماقپال جۇماباي.
«JańǵyryQ» جوباسى 4 كونسەرتتەن تۇرادى. جوبا ەرەكشەلىگى - ءار ورىنداۋشىنىڭ ءوز مۋزىكالىق توبى بار جانە ول ءوزىنىڭ اۆتورلىق تۋىندىلارىن عانا ورىندايدى. جوباعا ەكسپەريمەنتالدى ەلەكتروندى مۋزىكا وكىلدەرى دە قاتىسادى. ال ءتۇسىرىلىم ءبىر دۋبلمەن، كونتسەرتتىڭ شىنايىلىعىن ساقتاۋ ارقىلى جۇزەگە اسقان. دىبىس پەن ۆيدەو ساپاسىن قامتاماسىز ەتۋ ءۇشىن ارنايى رەجيسسەرلىق توپ پەن دىبىس رەجيسسەرلەرى جۇمىس ىستەگەن.
«جاندى داۋىستاعى كونسەرتتەر مەن live فورماتتاعى جوبالارعا عانا قاتىسامىن دەپ وسىدان ءبىر جىل بۇرىن شەشىم قابىلداعان ەدىم. دەگەنمەن، بۇل ۇستانىمىمىزدى جۇزەگە اسىراتىن الاڭدار از بولدى. وسى رەتتە «Qazaqstan» تەلەارناسىنىڭ بۇل باستاماسى وتە ماڭىزدى. مۇنداي جوبالار ءبىز سەكىلدى ءانشى- اۆتورلاردىڭ شىعارماشىلىق مۇمكىندىگىن اشۋعا، جاندى دىبىستىڭ سالتانات قۇرۋىنا جانە تىڭدارماننىڭ تالعامىنىنان شىعۋعا ىقپال ەتەدى» ، - دەيدى ماقپال جۇماباي.
جوباعا 12 ورىنداۋشى - Moldanazar توبى، مارحابا ءسابي، Satzhan project, Maqpalsher، Darkhan Juzz, Jeltoksan, DAMU، Qonyratbay Fam, Qudyr، ARShAT، ámir قاتىسىپ وتىر.
«JańǵyryQ» جوباسىنىڭ تۇساۋكەسەرىن 6 - ءساۋىر كۇنى ساعات 11:40 تا «Qazaqstan» ۇلتتىق ارناسىنان كورۋگە بولادى. ايتا كەتەيىك، «JańǵyryQ» جوباسىنىڭ يدەيا اۆتورى - ەرلان قارين، پروديۋسەرى - ماقپال جۇماباي، قويۋشى- رەجيسسەرى - توعجان قۇرمانجان قىزى، دىبىس رەجيسسەرى - ورالحان ءسادۋاقاس.
