بۇگىننەن باستاپ تاكسي جۇرگىزۋشىلەرى تۇبىرتەك بەرۋگە مىندەتتى

اتاپ ايتقاندا، «سالىق تولەۋشىلەر قازاقستان رەسپۋبليكاسىنىڭ اۋماعىندا قىزمەتىن جۇزەگە اسىرعاندا اقشالاي ەسەپ ايىرىسۋلار كەزىندە دەرەكتەردى تىركەۋ جانە (نەمەسە) بەرۋ فۋنكسياسى بار باقىلاۋ- كاسسا ماشينالارىن قولداناتىن قىزمەت تۇرلەرىن بەكىتۋ تۋرالى» قارجى ءمينيسترىنىڭ 2018 -جىلعى 16 - اقپانداعى №206 بۇيرىعىنا وزگەرىستەر مەن تولىقتىرۋلار ەنگىزىلگەن.

وزگەرىستەر 1 - ساۋىردەن، ياعني بۇگىننەن باستاپ كۇشىنە ەنەدى.

وعان سايكەس، سالىق تولەۋشىلەر ءوز قىزمەتىن جۇزەگە اسىرعاندا اقشالاي ەسەپ ايىرىسۋلار كەزىندە دەرەكتەردى تىركەۋ جانە (نەمەسە) بەرۋ فۋنكسياسى بار باقىلاۋ- كاسسا ماشينالارىن قولداناتىن قىزمەت تۇرلەرىنىڭ ءتىزىمى ۇزارىپ، 323-كە جەتكەن.

 تاكسي جۇرگىزۋشىلەرىمەن بىرگە تۇبىرتەك بەرۋگە شاشتاراز جانە سۇلۋلىق سالونىنىڭ قىزمەتكەرلەرى، لومباردتار مەن قوناقۇيلەر، قۇمار جانە ءباس تىگۋ ويىندارىن ۇيىمداستىرۋشىلار، سونداي- اق سىلاق جۇمىستارىن ورىنداۋشىلار، اۋديو جانە بەينەتەحنيكالاردىڭ، تۇرمىستىق ەلەكتر اسپاپتارىنىڭ بولشەك ساۋداسىمەن اينالىسۋشىلار مىندەتتەلگەن.

تۇبىرتەك بەرۋگە مىندەتتەلىپ وتىرعان قىزمەت تۇرلەرىنىڭ تولىق ءتىزىمىن مىنا جەردەن كورۋگە بولادى.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى