ەكى يت تالاعان قىزدىڭ ولىمىنە قاتىستى پوليتسيا تۇسىنىك بەردى
الاتاۋ اۋداندىق پوليتسيا باسقارماسى قايعىلى وقيعاعا بايلانىستى ق ر ق ك 104-بابى بويىنشا سوتقا دەيىنگى تەرگەۋ ءىسى رەەسترىنە تىركەۋگە الدى.
«ءۇش جاستاعى قىزدى ءوز اۋلاسىندا روتۆەيلەر تۇقىمداس ەكى ءيتى تالاعان. قايعىلى وقيعا بولعان كەزدە اكەسى ۇيدە بولعان. ۆەتەرينارلىق قىزمەت وكىلدەرى يتتەردى اۋلاپ، الىپ كەتتى. ءىس بويىنشا ساراپتاما تاعايىندالدى. بولعان وقيعانىڭ ءمان-جايى انىقتالىپ جاتىر»، - دەدى پوليتسيا دەپارتامەنتىنىڭ رەسمي وكىلى سالتانات ازىربەك.
اتالعان باپ بويىنشا ەگەر يت يەسى كىنالى بولسا، ول 5 جىلعا دەيىن باس بوستاندىعىنان ايرىلۋى مۇمكىن.
ەسكە سالساق، سامعاۋ شاعىن اۋدانىندا بولعان قايعىلى وقيعا تۋرالى بۇعان دەيىن حابارلاعان بولاتىنبىز.
