قازاق بالاسى بولماي شىقتى: كونگولىق ايەلدىڭ وتىرىگى اشىلدى
كونگو ەلىنىڭ ازاماتشاسى ءوزىن ەكىقابات ەتىپ تاستاپ كەتكەن پاۆلودارلىق جىگىت ماۋلەن دەپ مالىمدەگەن ەدى. توي- تومالاقتاردا بي بيلەپ، ءان سالىپ جۇرگەنىندە تانىسىپ، جاقىنداسقان. دەگەنمەن، ماۋلەن سودان كەيىن ءىزىن سۋىتقان كورىنەدى. بۇل قانشالىقتى شىندىققا جاناسىمدى؟
«استارلى اقيقات» باعدارلاماسى مونيكا كامۋكەنج كانگانزانىڭ مۇڭىنا ءبىر جولا نۇكتەسىن قويدى. توعىز اي كوتەرگەن بالاسىن مونيكا كامۋكەنج كانگانزا قازاقستانعا كونگو ەلىنەن اياعى اۋىر بولىپ كەلگەن. ارادا سەگىز اي وتكەندە نۇر- سۇلتاندا بوسانادى. قازىرگى تاڭدا بلەسسينگ- ماشا كامۋكەن 6 اي بولعان. ەلىمىزدىڭ تىنىش ءومىرى قىزىقتىردى ما، بەلگىسىز!؟ مونيكا ەلىمىزدى پانالاپ، قازىڭ قازاقستان ازاماتشاسى ەتۋگە نيەتتى.
قۇجاتتا كورسەتىلگەندەي جەلتوقساننىڭ 27 نە مونيكا قازاقستانعا كەلگەن. قىزى بلەسسينگ 17 - تامىزدا تۋعان. ەگەر ونى 9 اي كوتەرگەن بولسا، ونى قاراشا ايىندا كوتەرگەن بولىپ شىعادى. دەمەك، قازاقستانعا جۇكتى بولىپ كەلگەن. بۇنى دەرەكتەر مەن قۇجاتتار ايقىن كورسەتىپ تۇر. دەگەنمەن جۇرگىزۋشىنىڭ وسىنى مويىنداۋىن سۇراعاندا: «بىرىنشىدەن مەن بارلىق ادامداردان كومەك سۇرايمىن. مينيسترلىك قۇجاتتارىمدى دايىنداۋعا كومەكتەسسە ەكەن. ءوز ەلىمدى تاستاپ، بۇل جاققا اقشا تابۋ ماقساتىندا كەلگەن جوقپىن. وسى جاعدايدى بارلىق جەرگە جاريالاپ جاتقانىم ءۇشىن ىشكى ىستەر مينيسترلىگىنەن كەشىرىم سۇرايمىن. مەن سىزدەردەن كومەك سۇرايمىن. مەن بالامدى امان- ەسەن وسىرگىم كەلەدى. مەن ءومىردى سۇيەمىن. مەنىڭ قۇجاتتارىمدى دايىنداۋعا كومەكتەسۋلەرىڭىزدى سۇرايمىن. سىزدەردىڭ دە بالالارىڭىز بار. جۇرەكتەرىڭىز بار. ەگەر ەلىمنەن شاقىرتۋ تۇسەتىن بولسا، كەرى قايتۋعا دايىنمىن» - دەپ جاۋاپ قاتتى مونيكا.
ايتا كەتەيىك، «ەكسپو-2017» كورمەسى! كۇللى الەمدى دۇرلىكتىرگەن بۇل كورمەگە ميلليوننان اعىلىپ تۋريستار كەلگەن ەدى. ءبىراق، ەلدى ەلەڭ ەتكىزەر ءبىر جايت بار. كونگو ەلىنەن حالىقارالىق كورمەدە جۇمىس ىستەۋگە كەلگەن مونيكا قازاق جىگىتىنەن بلەسسينگ ەسىمدى قىز ءسۇيىپ نۇر- سۇلتاندا قالىپ قويعان بولاتىن.
ادام تۇگىلى شىرىلداعان تورعايدا بالا ءۇشىن جانىڭ پيدا ەتەدى. مونيكانىڭ مۇنداي ارەكەتكە شاراسىزدىقتان بارىپ وتىرعانى بەلگىلى. قاي ەلدى، قاي جەردە بولماسىن بالا باقىتتى بولۋعا لايىقتى. قيىن- قىستۋ كەزدە كەۋدەدەن تەپپەي، قامقورلىعىن اياماعان قازاق حالقى بۇل جاعدايدا دا كونگولىق كەلىنشەكتى قىزىمەن بىرگە قاناتىنىڭ استىنا الار دەگەن سەنىمىمىز بار.
Stan.kz
