تۇڭعىش پرەزيدەنت - ەلباسى الماتىدا ءبىرقاتار كەزدەسۋ وتكىزدى
بۇل تۋرالى اقوردانىڭ باسپا ءسوز قىزمەتى حابارلايدى.
تۇركىستان وبلىسىنىڭ اكىمى ءو. شوكەيەۆپەن بولعان كەزدەسۋدە ءوڭىردىڭ قازىرگى الەۋمەتتىك- ەكونوميكالىق دامۋ ماسەلەلەرى تالقىلاندى. وبلىس ورتالىعى تۇركىستان قالاسىندا قۇرىلىس جۇمىستارىن جۇرگىزۋ جوسپارىنا ەرەكشە نازار اۋدارىلدى.
«قازاقستان حالىق بانكى» اق ديرەكتورلار كەڭەسىنىڭ ءتوراعاسى ا. پاۆلوۆپەن وتكەن كەزدەسۋدە تاراپتار ەلىمىزدىڭ بانك سەكتورىنداعى قازىرگى احۋالدى جانە وسى سالانى ودان ءارى دامىتۋ پەرسپەكتيۆالارىن، سونداي- اق قازاقستاننىڭ قارجى نارىعىنىڭ وزەكتى ماسەلەلەرىن تالقىلادى.
ەلباسى نۇرسۇلتان نازاربايەۆ «ورتالىق ازيا ەلەكتر ەنەرگەتيكاسى كورپوراتسياسى» ا ق ديرەكتورلار كەڭەسىنىڭ ءتوراعاسى ا. كلەبانوۆپەن كەزدەسۋ بارىسىندا ەلەكتر- جىلۋ ەنەرگياسىن ءوندىرۋ نارىعىن دامىتۋدىڭ جانە ەلىمىزدىڭ وڭىرلەرىن ەنەرگيامەن جابدىقتاۋ ىسىندە قاۋىپسىزدىكتى قامتاماسىز ەتۋدىڭ وزەكتى ماسەلەلەرىنە باسا ءمان بەردى. تاراپتار، سونداي- اق، ەنەرگيامەن جابدىقتاۋ سالاسىنداعى تاريف ساياساتىن ىسكە اسىرۋدىڭ قازىرگى ۇدەرىسىن تالقىلادى.
