نۇر-سۇلتاندا گاز كوكتالدان كەيىن قاي جاققا تارتىلادى؟

ونىڭ ايتۋىنشا، گازدى الدىمەن جىلۋ ەلەكتر ستانسالارىنا تارتۋ جوسپارلانعان. سەبەبى بۇگىندە اتالعان نىساندار ەكولوگياعا ۇلكەن زيان كەلتىرىپ وتىر. ماسەلەن، ج ە س-1 ابدەن توزعان. سەبەبى سوناۋ 60-جىلدارى سالىنعان. سول جەردە مازۋت جاعاتىن قازاندىقتاردى وزگەرتىپ، تابيعي گازدى جاعۋ جوسپارلانىپ وتىر. «سوسىن كوكتال-1 مەن كوكتال-2-گە تارتىلادى. سەبەبى ول جەردە كومىردى كوپ جاعادى. ودان كەيىن وڭتۇستىك-شىعىس اۋداننىڭ سول جاق جانە وڭ جاعى، ارى قاراي ميچۋرينو، قىزىلجار، ءوندىرىس جانە تاعى باسقا ەلدى مەكەندەرگە تارتىلادى. بۇدان بولەك، قورعالجىنعا قاراي يلينكا مەن ۇركەر جاققا كەتەدى»، - دەدى ە. تولەۋوۆ ق ر پارلامەنت ماجىلىسىندە وتكەن «دوڭگەلەك ۇستەلدە».

باسقارما باسشىسىنىڭ سوزىنە قاراعاندا، وسى ايدا قۇرىلىس-مونتاجداۋ جۇمىستارى باستالادى. «ءبىز مينيسترلىكپەن ۇنەمى بايلانىس ۇستاپ وتىرامىز. سەبەبى گاز قۇبىرى كەلگەندە تاراتۋ جەلىلەرى دايىن تۇرۋى قاجەت»، - دەپ اتاپ كورسەتتى ە. تولەۋوۆ.

ايتا كەتەيىك، بۇگىنگى جيىندا ق ر ەنەرگەتيكا ۆيتسە-ءمينيسترى ماعزۇم مىرزاعاليەۆ «سارىارقا» گاز قۇبىرىنىڭ قۇرىلىسى تۋرالى ايتىپ بەردى.

«سارىارقا» گاز قۇبىرى الدىمەن قىزىلوردا، جەزقازعان، قاراعاندى، تەمىرتاۋ مەن نۇر-سۇلتان مارشرۋتىمەن سالىنادى. بۇل - قۇرىلىستىڭ العاشقى كەزەڭى. وسىنىڭ ارقاسىندا قۇبىرعا جاقىن ورنالاسقان 740 مىڭ ادامدى تابيعي گازبەن قامتاسىز ەتۋگە مۇمكىندىك بار. ارينە، ينفراقۇرىلىمنىڭ سالىنۋىنا قاراي گاز تۇتىناتىن ادامداردىڭ سانى ارتادى. وتكەن جىلى تامىز ايىندا ۇكىمەت جوبانىڭ سىزبا-نۇسقاسى مەن قارجىلاندىرۋ شارتتارىن ماقۇلدادى. جوبانىڭ قۇنى - 267,3 ميلليارد تەڭگە. قاراشا ايىندا «استانا گاز» ا ق مەن مەردىگەر كومپانيا - «قاز قۇرىلىس قىزمەت» ا ق اراسىندا ءتيىستى كەلىسىمشارتقا قول قويىلدى. قازىرگى كەزدە بارلىق قاجەتتى تەحنيكا مەن ماماندار تارتىلدى. دانەكەرلەۋ جۇمىستارى باستالدى. «سارىارقا» گاز قۇبىرىنىڭ، شامامەن، 1300 مەترى سالىندى»، - دەيدى م. مىرزاعاليەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى