ا ق ش ەلشىسى: قازاقستان الەمدىك ارەنادا كوشباسشىعا اينالدى
«قازاقستان پرەزيدەنتى قاسىم- جومارت توقايەۆقا ا ق ش- تىڭ قازاقستانداعى ەلشىسى رەتىندەگى قىزمەتىمنىڭ باستالعاندىعىن راستايتىن سەنىم گراموتاسىن تاپسىرۋ مەن ءۇشىن ۇلكەن قۇرمەت بولدى. وسىدان 20 جىل بۇرىن الماتىداعى ەلشىلىكتە جۇمىس ىستەگەن ەدىم جانە وسى ەلگە قايتا ورالعانىما قۋانىشتىمىن. مەنىڭ ءبىرىنشى جانە سوڭعى كەلگەن ۋاقىتىمنىڭ ارالىعىندا قازاقستان قول جەتكىزگەن ۇلكەن تابىستى زور ريزاشىلىقپەن اتاپ وتكىم كەلەدى» ، - دەدى ول.
سونىمەن قاتار، ا ق ش ەلشىسى قازاقستاننىڭ جاڭا ەلورداسىنىڭ زاماناۋي كەلبەتىنە، ءسانى مەن ساۋلەتى كەلىسكەن عيماراتتارعا ءتانتى بولعاندىعىن دا اتاپ ءوتتى.
«قازاقستان ايتارلىقتاي پروگرەسكە قول جەتىزگەن. حالقىنىڭ ءومىر ءسۇرۋ دەڭگەيى ايتارلىقتاي جاقسارىپ، ءال- اۋقاتى ارتا تۇسكەن. بۇعان قوسا، قازاقستانمەن كەڭەيتىلگەن ستراتەگيالىق ارىپتەستىگىمىزدىڭ ماڭىزدىلىعىنا جوعارى باعا بەرەمىز. قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ ستراتەگياسى مەن باتىلدىعىن جوعارى باعالايمىز. ول قازاقستاندى يادرولىق قارۋدى تاراتپاۋ سالاسىنداعى كوشباسشىعا اينالدىردى. پرەزيدەنتتىڭ بۇل مىندەتتەمەسى ءبىزدىڭ ارىپتەستىگىمىزدىڭ نەگىزى بولىپ قالا بەرەدى» ، - دەدى ۋيليام موزەر.
ول قازاقستاننىڭ امەريكالىق كومپانيالار تاراپىنىڭ كوممەرتسيالىق ينۆەستيتسيالارىنا اشىق ەكەندىگىن دە اتاپ ءوتتى. بۇل ەكى ەلگە دە پايدا اكەلەتىندىگىن باسا ايتتى.
«وتكەن جىلداردىڭ ىشىندە قازاقستان ورتالىق ازيادا، سونىمەن قاتار الەمدىك ارەنادا دا كوشباسشىعا اينالعانىن اتاپ وتكىم كەلەدى. قازىرگى ۋاقىتتا قازاقستان كوپتەگەن سالالاردا، ب ۇ ۇ قاۋىپسىزدىك كەڭەسىنىڭ حالىقارالىق پروتسەستەرىندە ماڭىزدى رولگە يە. سونداي- اق، قازاقستان بارلىق جانجالداردى بەيبىت جولمەن شەشۋدىڭ جاقتاۋشىسى بولدى جانە سولاي بولىپ قالا بەرەدى. قازاقستاننىڭ تۇڭعىش پرەزيدەنتى نۇرسۇلتان نازاربايەۆقا بىرنەشە ونداعان جىل دانالىقپەن ەلگە باسشىلىق جاساعان ءۇشىن قۇرمەتىم مەن ريزاشىلىعىمدى بىلدىرگىم كەلەدى. ول ەڭ قيىن كەزەڭدەردىڭ وزىندە قازاقستاندى تاۋەلسىزدىككە، ەگەمەندىككە، گۇلدەنۋگە باستادى. قۇرمەتتى پرەزيدەنت ق. توقايەۆپەن بىرلەسكە جۇمىسىمىز جەمىستى بولارىنا سەنىم ارتامىن» ، - دەدى ا ق ش ەلشىسى.
