وزبەكستان پرەزيدەنتى ميرزيايەۆ حالىقتى جەكە قابىلداۋىنا شاقىردى

بۇل تۋرالى وزبەكستان پرەزيدەنتى اكىمشىلىگىنىڭ حالىقتى قابىلداۋ بويىنشا جەتەكشىسى باحتيەر جامالوۆ حابارلادى.

شەنەۋنىكتىڭ سوزىنشە، العاش جازىلعاندارمەن پرەزيدەنت ميرزيايەۆ جەكە كەزدەسىپ، ءوتىنىش- شاعىمدارىن تىڭدايدى. جامالوۆ «قازىر 20 ازاماتتىڭ ارىز- شاعىمى ىرىكتەلىپ الىندى. ولارمەن پرەزيدەنت جەكە كەزدەسەدى» دەدى.

«كەيىن مۇنداي قابىلداۋ ونلاين- ترانسلياتسيا تۇرىندە وتەدى، مۇمكىندىك بولسا، جەكە قابىلداۋ جالعاسا بەرەدى» دەپ جازادى Centre1.

جامالوۆتىڭ سوزىنشە، پرەزيدەنت حالىقتى قابىلدايتىن عيمارات تولىق جوندەۋدەن ءوتىپ، قاجەتتى ۆيدەوقۇرىلعىلارمەن جابدىقتالعان، وندا كۇتۋ جانە قابىلداۋ زالى بار، سونداي- اق تەلەكوپىر وتكىزۋگە تولىق جاعداي جاسالعان.

ازاتتىقتىڭ وزبەك قىزمەتىنىڭ جازۋىنشا، ازىرگە ماتامەن كومكەرىلىپ تۇرعان عيمارات ەسىگىندە پرەزيدەنتتىڭ، سونداي- اق ۇكىمەتتەگى باسقا باسشىلاردىڭ ازاماتتاردى قابىلداۋ كەستەسى جازىلعان.

وزبەكستاندى 27 جىل باسقارعان يسلام كاريموۆ 2016 -جىلدىڭ قىركۇيەك ايىندا 78 جاسىندا قايتىس بولعان. 14 - جەلتوقساندا ميرزيايەۆ پرەزيدەنت قىزمەتىنە كىرىسكەن.

www.azattyq.org

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى