ەلورداداعى جول اپاتى: زارداپ شەككەن ءۇش ادامنىڭ جاعدايى اۋىر

ناۋقاستاردىڭ حال-جاعدايىن ءبىلۋ ءۇشىن قالالىق اۋرۋحاناعا قالا اكىمى باقىت سۇلتانوۆ پەن ق ر دەنساۋلىق ساقتاۋ ءمينيسترى ەلجان ءبىرتانوۆ كەلدى. اكىم مەن مينيستر الدىمەن اۋرۋحانا جۇمىسىمەن تانىسىپ شىقتى، سودان سوڭ جول اپاتىنان زارداپ شەككەن جانداردىڭ حال-جاعدايىن سۇرادى.

«ءبىزدىڭ اۋرۋحاناعا بارلىعى 29 زارداپ شەگۋشى كەلىپ ءتۇستى، ونىڭ 14 ىنە امبۋلاتوريالىق قىزمەت كورسەتىلدى، ياعني العاشقى مەديتسينالىق كومەك پەن باستاپقى حيرۋرگيالىق وڭدەۋ جاسالىپ ۇيلەرىنە جىبەرىلدى. قازىرگى ۋاقىتتا ستاتسيوناردا ءارتۇرلى دەڭگەيدەگى جاراقات العان 13 ادام جاتىر، ونىڭ 8 ءى تراۆماتولوگيا بولىمىندە، سونىڭ ىشىندە وتە اۋىر جاعدايمەن 3 زارداپ شەگۋشى رەانيماتسيالىق بولىمدە جاتىر. جانە 2 ءى پاتسيەنت توراكالدى-حيرۋرگيالىق بولىمدە جاتىر»، - دەدى اۋرۋحانانىڭ باس دارىگەرى يۆان لي.

ونىڭ ايتۋىنشا، كەشە ومىرلەرىنە قاۋىپ تونگەن 5 زارداپ شەككەن جانعا شۇعىل وتا جاسالدى. جانە پاتسيەنتتەردىڭ حالدەرىنە قاراي الداعى ۋاقىتتا قوسىمشا تاعى وتا جاسالاتىن بولادى.

«قازىرگى ۋاقىتتا بارلىق پاتسيەنتتىڭ جاعدايى دارىگەرلەردىڭ ءجىتى باقىلاۋىندا. اسىرەسە 3 زارداپ شەگۋشىنىڭ جاعدايى قيىن بولىپ تۇر. ولار جاساندى جەلدەتۋ اپپاراتىمەن تىنىس الۋدا. ازىرگە اعزالارى وتا جاساۋعا مۇمكىندىك بەرمەيدى. جاعدايلارى اۋىر ءبىراق، تۇراقتى. ال جاس ەرەكشەلىكتەرىنە كەلسەك، الدىمەن ۇشەۋى دە ايەل بىرەۋى 52 دە، كەلەسىسى 63 تە جانە بىرەۋى 65 تە»، - دەدى ول.

ايتا كەتسەك، كەشە قالاداعى ۇلى دالا كوشەسى مەن قابانباي باتىر داڭعىلىنىڭ قيىلىسىندا قالا ماڭى باعدارىنداعى 303№  اۆتوبۋس 12№  باعدارداعى جولاۋشىلار اۆتوبۋسىمەن سوقتىعىستى. سوققىنىڭ ەكپىنىمەن ولار  53№ اۆتوبۋسقا جانە جەدەل جاردەم كولىگىنە بارىپ سوعىلدى.

اپات سالدارىنان 2 ادام قازا تاۋىپ، 27 ادام زارداپ شەكتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى