ءسىبىر باقاسى وتتەگىسىز ءۇش ايعا دەيىن ءومىر سۇرەدى
بۇعان دەيىن عالىمدار ءتىپتى امفيبيالاردىڭ وتتەگى جەتكىلىكسىز بولعان كەزدە بىرنەشە كۇن دە ءومىر سۇرمەيدى دەپ ەسەپتەگەن بولاتىن.
«بۇل باقا بىزدە ماگادان وبلىسىندا بار، الايدا ولار ياكۋتيادا ءتىپتى كوپ. قاڭتار- ناۋرىز ايلارىندا اتالعان ايماقتاردا كوپتەگەن سۋ قويمالارىنداعى وتتەگى مولشەرىن ولشەپ، ءبىر ليترگە 0,1-0,3 ميكروگرام ەكەنىن انىقتادىق. بۇل جاعدايدا بالىقتار (موڭكە بالىق پەن كوكتالمادان باسقاسى) ءولىپ قالادى، ال ءسىبىر باقاسى - جوق. ول ءۇشىن بۇل قالىپتى جاعداي. ءبىزدىڭ تاجىريبەلەرىمىزدە باقالار 3 + گرادۋستىق توڭازىتقىشقا قويىلعان ىدىستاردا ءۇش جارىم اي بويى بولدى. باقالاردىڭ سۋىن اۋىستىرمادىق»، - دەدى بيولوگيا عىلىمىنىڭ دوكتورى، پروفەسسور دانييل بەرمان.
سونداي- اق عالىم بۇل جاڭالىق ادامنىڭ گيپوكسيا - وتتەگى جەتىسپەۋشىلىك سياقتى اۋرۋلارىن ەمدەۋدىڭ بىرەگەي مودەلىن ازىرلەۋدە ءسىبىر باقاسىن قولدانۋعا مۇمكىندىك بەرەتىنىن اتاپ ءوتتى.
