ەجەلگى مىسىر مۇسىندەرىنىڭ مۇرىندارى نەگە سىنىق؟

ەكسپوزيتسيادا ەجەلگى مىسىر مادەنيەتىنە جاتاتىن مۇسىندەر جيناقتالعان. ءبىر قىزىعى، ولاردىڭ بارلىعىنىڭ مۇرنى شاعىلعان. مۇراجاي كۋراتورلاردىڭ مۇنداي كورمە ۇيىمداستىرۋىنا قوناقتاردىڭ ءجيى قوياتىن سۇراقتارى سەبەپ بولعان ەكەن. «ادەتتە ولار: «مىسىرلىق مۇسىندەردىڭ مۇرىندارىنا نە بولعان؟ » دەپ سۇراپ جاتادى. بۇعان جاۋاپ تابۋدىڭ ءوزى قىزىق بولار ەدى» - دەيدى ۇيىمداستىرۋشىلار.

بۇل سۇراققا قاتىستى ادامنىڭ ويىنا الدىمەن كونە مادەنيەت بولعان سوڭ، ۋاقىت ءوز دەگەنىن جاساعان شىعار دەگەن وي كەلەدى. الايدا، عالىمدار ولارعا ادەيى زاقىم كەلتىرىلگەنىن انىقتاعان. مىسىرعا حريستيان ءدىنىن الىپ كەلگەندەر جەرگىلىكتى حالىقتىڭ بەينەلەرگە تابىناتىنىن كورگەن. سول مۇسىندەردى قۇرتۋ ارقىلى ولاردىڭ سەنىمىمەن كۇرەسكەن. مىسىرلىقتار ءۇشىن بۇل بەينەلەر تاڭىرمەن تىكەلەي بايلانىس جاسايتىن «كانال» ىسپەتتەس بولعان. ال زاقىمدالعان ءمۇسىن ونداي بايلانىسقا جارامايتىن ەدى. حريستيان ءدىنىنىڭ ۇستەمدىگى ارتقان سايىن، مۇنداي ارەكەتتەر جيىلەي تۇسكەن. بۇل سەنىم وكىلدەرى ءۇشىن مىسىر ءتاڭىرى «ناعىز جاۋ» ەدى. ال، ءمۇسىندى نەگە تولىق قيراتپاعان؟ ءيا، ولاردى تۇتاستاي قۇرتىپ جىبەرۋگە دە بولار ەدى. ءبىراق ولار تەك مۇرنىن سىندىردى. «مۇرىن - تىنىس الۋ مۇشەسى، ءومىر تىنىسى. بۇل ارەكەت ىشتەگى رۋحتى جويۋ ءۇشىن «تۇنشىقتىرعانمەن» پارا- پار، »- دەيدى كۋراتورلار.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى