تانىمال سپورتشىلار ق ر تۇڭعىش پرەزيدەنتى - ەلباسىعا شىنايى ريزاشىلىقتارىن بىلدىرۋدە

2016-جىلى ريو-دە-جانەيرودا وتكەن جازعى وليمپيادا ويىندارىنىڭ بوكستان كۇمىس جۇلدەگەرى ۆاسيلي لەۆيت: «پرەزيدەنت مىرزا، بارلىعى ءۇشىن دە راحمەت!»، دەپ جازدى.

ال الەمنىڭ 4 دۇركىن جانە قازاقستاننىڭ 4 دۇركىن رەكوردشىسى سەرگەي تسيرۋلنيكوۆ: «پرەزيدەنت مىرزا، بارلىعى ءۇشىن دە سىزگە ريزاشىلىعىمدى بىلدەرەمىن»، - دەگەن جازبا قالدىردى.

قازاقستاندىق ۆولەيبولشى سابينا التىنبايەۆا: «بۇل وزگەرىستەر وڭ بولعاي! راحمەت!»، - دەپ اتاپ وتەدى.

ال 2012-جىلى لوندون جازعى وليمپيادا ويىندارىنىڭ چەمپيونى الەكساندر ۆينوكۋروۆ: «تاريحي كۇن. راحمەت، پرەزيدەنت مىرزا! بەيبىتشىلىك، تۇراقتىلىق پەن وركەندەۋ ءۇشىن! ەلىمىزدىڭ قالىپتاسۋى ءۇشىن، ءبىزدىڭ تاريحىمىز ءۇشىن جاساعان ىستەرىڭىز ءۇشىن!»، - دەپ اعىنان جارىلادى.

2016-جىلعى ريو-دە-جانەيرودا وتكەن وليمپيادا چەمپيونى دميتريي بالاندين: بارىنە دە راحمەت! پرەزيدەنت مىرزا!

ايتا كەتەيىك، مەملەكەت باسشىسى نۇرسۇلتان نازاربايەۆ رەسپۋبليكالىق تەلەارنالار ارقىلى قازاقستان حالقىنا ارنالعان مالىمدەمە جاساپ، وندا پرەزيدەنتتىك وكىلەتتىگىن توقتاتاتىندىعىن جاريا ەتكەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى