ءبىلىم ءمينيسترى حالىق الدىندا «الىپپە قايتىپ كەلەدى» دەپ مالىمدەمە جاسادى
جەرگىلىكتى تۇرعىن مينيسترگە ءبىلىم سالاسىنداعى كەمشىلىكتەرگە قاتىستى ءوز ويىن ايتقان بولاتىن دەپ حابارلايدى KAZ. NUR. KZ.
«مەكتەپكە ساباق بەرۋگە ەر ازاماتتاردى شاقىرۋ كەرەك. بالاباقشادا، مەكتەپتە ايەلدەردىڭ تاربيەسىن الىپ وسكەن بالالار قىز سەكىلدى بولىپ بارادى. ءۇش تىلدىلىكتە بالالارىمىزدىڭ بارلىعى ءدۇبارا بولىپ كەتەدى. بالا 12 جاسقا دەيىن ءوز تىلىندە تاربيە السىن، ءوز ءتىلىن تەرەڭ مەڭگەرسىن.
ءبىلىم ساپاسى بىزدە نەگە تومەندەپ كەتتى؟! ءار مەكتەپ ءارتۇرلى باعدارلامامەن وقىتىپ، بالانىڭ باسىن شىرداي قىلادى. ۇيگە بەرگەن تاپسىرمالاردى اتا-انا شەشە المايتىن جاعدايعا جەتتىك. الىپپە مەن ادەبيەت قايتارۋ كەرەك دەپ ويلايمىن» - دەدى اقتوبەلىك قوعام بەلسەندىسى كوشكىمباي احمەتوۆ.
جۇيەسى ءجيى وزگەرىسكە ۇشىرايتىن جاڭا ءبىلىم ءمينيسترى دە الداعى جاڭالىعىن ايتتى.
«مەكتەپكە ەر ازاماتتاردىڭ كەلۋى ءبىزدى دە ويلاندىرادى. كوپ نارسە مەكتەپتىڭ باسشىسىنا بايلانىستى. كەزىندە مەن دە مەكتەپ ديرەكتورى بولىپ جاسادىم. «ءوز جۇمىسىن ايتتى» دەپ سوكپەڭىزدەر. ساناپ وتىرىپ ەر ازاماتتاردى كوبەيتتىم. سول سياقتى جۇمىس جاساۋىمىز كەرەك. قازىر اۋىلداعى مەكتەپ مۇعالىمىنىڭ تومەنگى جالاقىسى 110 مىڭ تەڭگەنىڭ اينالاسىندا، ورتاشا جالاقى 160 مىڭ، ال اۋىلداعى 15 جىل ءوتىلى بار جوعارى ساناتتى مۇعالىمدەر 190 مىڭ تەڭگەگە دەيىن الادى.
مەن مۇنداي قارجىعا ەر ازاماتتار دا مەكتەپكە جۇمىسقا كەلە الادى دەپ ويلايمىن. قالاداعى جاعدايدا 30 پايىزعا تومەن. سەبەبى مەملەكەت اۋىلدى قولداپ، جاس مامانداردىڭ اۋىلعا بارۋى ءۇشىن وسىنداي جاعداي جاساپ جاتىر. ال تىلدىك وقىتۋ ماسەلەسى قارالاتىن بولادى. الىپپەگە بايلانىستى، بيىلعى وقۋ جىلىندا ۇلگەرمەيمىز، كەلەسى وقۋ جىلىندا الىپپە ورنىنا قايتىپ كەلەدى. ءبىز بالالارعا ءبىلىمدى ءوزى ىزدەۋگە ۇيرەتۋىمىز كەرەك. وسى جاعىنان ءسۇرىنىپ جاتىرمىز.
سوندىقتان قازىر مەملەكەت 144 مىڭ مۇعالىمدى وقىتۋعا قارجى ءبولىپ وتىر. ادامعا ەڭ قيىن نارسە - ارتقان سەنىمدى اقتاپ شىعۋ. سىزدەرىڭ ايتقان جاقسى سوزدەرىڭىز مەنى كۇندە ۇيىقتاتپايدى، وسىنى اقتاي الامىن با، جوق پا دەيمىن»، - دەدى ءبىلىم جانە ءمينيسترى كۇلاش ءشامشيدينوۆا.
