از قامتىلعان وتباسىلاردىڭ كىرىسىن ساناۋ كەزىندە جاردەماقىنىڭ ءتورت ءتۇرى ەسەپتەلمەيدى
بۇل تۋرالى ءماجىلىستىڭ پلەنارلىق وتىرىسىندا ەڭبەك جانە حالىقتى الەۋمەتتىك قورعاۋ ءمينيسترىنىڭ ورىنباسارى سۆەتالانا جاقىپوۆا ايتىپ بەردى دەپ حابارلايدى «استانا» تەلەارناسى.
جاقىپوۆانىڭ ايتۋىنشا، ەلباسىنىڭ تاپسىرماسىمەن وسى ماسەلە قاراستىرىلۋدا.
ول جاردەماقىنىڭ 4 ءتۇرى ەسەپتەلمەۋى مۇمكىن ەكەندىگىن العا تارتتى.
ۆيتسە-مينيستر كوپ بالالى وتباسىلارعا، «التىن» جانە «كۇمىس القا» يەگەرلەرىنە بەرىلەتىن مەملەكەتتىك جاردەماقى، مۇگەدەك بالالارعا قاراستىرىلعان تولەم جانە شاركىرتاقى دا كىرىسكە جاتپايتىنىن ايتتى.
ساۋىردەن باستاپ 832 مىڭ كوپبالالى جانە از قامتىلعان وتباسىلارعا بەرىلەتىن جاردەماقى ءۇشىن بيىل بيۋدجەتتەن 94 ميلليارد تەڭگە قاراستىرىلعان.
تولەمدى كۇنكورىسى قيىن وتباسىلار الادى.
ۆيتسە-مينيستر ازاماتتار مەملەكەتتىك جاردەماقىعا يەك ارتىپ، ماسىلدىققا جول بەرمەيدى دەپ سانايدى.
ۆيتسە-ءمينيستردىڭ سوزىنشە، جۇمىسقا قابىلەتتى ازاماتتىڭ وتباسىسى اتاۋلى الەۋمەتتىك كومەك الا المايدى.
جاقىپوۆا ولار ۇسىنىلعان جۇمىستان ءبىرىنشى رەت باس تارتسا، تولەمنىڭ 50 پايىزىنان، ال ەكىنشى رەت جاردەماقىدان مۇلدە قاعىلاتىنىن ەسكەرتتى.
ول ءار بالاعا بەرىلەتىن جاردەماقى تولەنە بەرەتىنىن جەتكىزدى.
«ەگەر جالعىزباستى انا 4 بالا ءوزى باعىپ وتىرسا، بالالارى 20789 تەڭگەدەن الادى. ءوزى بالاعا كۇتىم جاساپ وتىر عوي، ول اناعا دا 20789 تەڭگە تولەنەدى. جالعىزباستى انا ءبىر بالامەن وتىرسا، ەكەۋىنە دە 20789 تەڭگەدەن تولەنەدى»، - دەدى ەڭبەك جانە حالىقتى الەۋمەتتىك قورعاۋ ءمينيسترىنىڭ ورىنباسارى.
