مينيستر ابايەۆ سەرىكجان ءبىلاشتىڭ ۇستالۋىنا قاتىستى پىكىر ءبىلدىردى

«ەڭ الدىمەن، شەتەلدەگى قازاقتاردىڭ مۇددەسىن قورعاۋ - گەوساياسي ويىندا باسقا ەلدىڭ ويىنشىعىنا اينالىپ كەتپەۋى كەرەكتىگىن ايتقىم كەلەدى. ءدال وسى تاقىرىپقا كەلگەندە كەيبىر ب ا ق پەن قۇقىق قورعاۋ ۇيىمداردىڭ بەلسەندىلىگى ارتا ءتۇسۋى ابدەن مۇمكىن. ۇستاۋ جاعدايىنا كەلەر بولساق، تەرگەۋدىڭ سوڭىن كۇتۋىمىز كەرەك. قاساقانا ۇلتتىق الاۋىزدىقتى قوزدىرۋ - وتە سالماقتى ايىپتاۋ. كەز كەلگەن ەتنوسقا قاتىستى جيھادقا شاقىرۋ - ويىنشىق ەمەس. وسىنداي ۇندەۋدىڭ كەسەلىنەن مىڭداعان قاراپايىم ازاماتتار زارداپ شەگىپ جاتادى. قازاق «ون پالەنىڭ توعىزى تىلدەن» دەيدى. جالپى، تەرگەۋ ءبارىن انىقتاپ، جۋىق ارادا بولعان وقيعانىڭ ءمان- جايى ايتىلارىنا سەنىمدىمىن»، - دەدى داۋرەن ابايەۆ «حابار» ارناسىنداعى «اشىق ديالوگ» باعدارلاماسىندا.

 ەسكە سالا كەتسەك، استانا قالاسىنىڭ پوليتسيا دەپارتامەنتى 2019 -جىلعى 10 -  ناۋرىزدا ۇلتتىق الاۋىزدىقتى قوزدىرۋ كۇدىگىمەن قازاقستان رەسپۋبليكاسىنىڭ ازاماتى سەرىكجان ءبىلاشتى ۇستاعان بولاتىن. بۇعان نەگىز بولعان سەرىكجان ءبىلاشتىڭ 2019 -جىلدىڭ 8 - اقپانىندا الماتى قالاسىندا ەسكە الۋ ءىس- شاراسى كەزىندە اشىق تۇردە ايتىلعان ەتنيكالىق قىتايلىقتارعا قارسى «جيھادقا» شاقىرۋى. بۇل فاكت بويىنشا استانا قالاسىنىڭ پوليتسيا دەپارتامەنتىمەن 2019 -جىلعى 21 - قاڭتاردا جەرگىلىكتى تۇرعىننىڭ ارىزى بويىنشا قازاقستان رەسپۋبليكاسى قىلمىستىق كودەكسىنىڭ 174-بابانىڭ 2-بولىگى بويىنشا سوتقا دەيىنگى تەرگەۋ ءوندىرىسى باستالعان ەدى.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى