جومارت ەرتايەۆ قازاقستانعا ەكستراديتسيالاندى

وعان بىلتىر ناۋرىز ايىندا حالىقارالىق ىزدەۋ جاريالانعان بولاتىن.

«جومارت ەرتايەۆ 2011-2017-جىلدار ارالىعىندا قىزمەتتىك جاعدايىن پايدالانا وتىرىپ، باسقا تۇلعالارمەن الدىن الا كەلىسۋ ارقىلى «BANK RBK»  ا ق- نىڭ 144 ميلليارد تەڭگەسىن جىمقىردى دەگەن كۇدىككە ءىلىندى. سونداي-اق، ونىمەن بىرگە 54 ادام، سونىڭ ىشىندە بانكتىڭ 41 توپ-مەنەدجەرى مەن قاتارداعى جۇمىسشىلارى - بۇرىن ەكستراديتسيالانعان ب. يبراگيم، ي. ماجينوۆ، د. تۋعانباي، د. ەدىگەنيەۆ، ا. مامىربەكوۆ، ت. ءشارىپوۆ كۇدىكتەلىپ وتىر»، - دەلىنگەن حابارلامادا.

تەرگەۋ بارىسىنداعى شارالاردىڭ ارقاسىندا 15 ميلليارد تەڭگە وتەلىپ، 48 ميلليارد تەڭگە مۇلىككە تىيىم سالىندى.

قازىرگى ۋاقىتتا ارنايى پروكۋرورلار ءىستى تەكسەرۋدى اياقتادى. پروتسەسكە قاتىسۋشىلار ماتەريالدارمەن تانىسىپ جاتىر.

ج. ەرتايەۆ استانا قالاسىنىڭ تەرگەۋ يزولياتورىنا قامالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى