جۇما كۇنى ەلىمىزدە اۋا رايى قۇبىلمالى بولادى

كەي جەرلەردە جاۋىن-شاشىن جاۋادى، تەك رەسپۋبليكانىڭ باتىسىندا، وڭتۇستىك جانە وڭتۇستىك-شىعىسىندا كۇن اشىق بولادى. كەي جەرلەردە تۇمان، كوكتايعاق، جەلدىڭ كۇشەيۋى كۇتىلەدى، سولتۇستىكتە جاياۋ بۇرقاسىندى جەل، وڭتۇستىكتە شاڭدى داۋىل بولادى.

سولتۇستىك قازاقستان وبلىسىندا جەل قارقىنى 15-20، كەي جەرلەردە 23-28 م/س دەيىن كۇشەيىپ، كۇندىز كەي ۋاقىتتاردا 30 م/س جانە ودان اسۋى مۇمكىن. كەي جەرلەردە بۇرقاسىن، كوكتايعاق بولادى.

تۇندە اقمولا وبلىسىنىڭ كەي جەرلەرىندە جەلدىڭ كۇشى 15-20، كەي جەرلەرىندە 23-28 م/س، كۇندىز 15-20، 30 م/س دەيىن ۇدەيدى. كەي ايماقتاردا تۇمان، بۇرقاسىن، كوكتايعاق كۇتىلەدى.

قوستاناي وبلىسىندا جەل 15-20، ەكپىنى 25 م/س دەيىن كۇشەيەدى، كەي جەرلەردە تۇمان بۇرقاسىن، كوكتايعاق كۇتىلەدى. كۇندىز قاراعاندى، پاۆلودار وبلىستارىنىڭ كەي جەرلەرىندە كوكتايعاق بولىپ، جەل جىلدامدىعى 15-20 م/س دەيىن جەتەدى.

قاراعاندى وبلىسىنىڭ كەي جەرلەرىندە تۇمان كۇتىلەدى.

شىعىس قازاقستان، قىزىلوردا، جامبىل وبلىستارىنىڭ كەي جەرلەرىندە تۇمان، تاڭەرتەڭ جانە كۇندىز جەل ەكپىنى 15-20 م/س دەيىن كۇشەيەدى.

الماتى وبلىسىنىڭ جالاڭاشكول اۋدانىندا جەل 18-23 م/س كۇشەيۋى ىقتيمال.

ماڭعىستاۋ وبلىسىنىڭ كەي جەرلەرىندە جەل 15-20 م/س دەيىن ۇدەپ، شاڭدى داۋىل بولادى.

باتىس قازاقستان، اتىراۋ، اقتوبە وبلىستارىنىڭ كەي ايماقتارىنا تۇمان تۇسەدى. تۇندە اقتوبە وبلىسىندا كوكتايعاق بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى