شۆەد وقۋشىسى نوبەل سىيلىعىنا ۇسىنىلدى
مۇنداي ۇسىنىستى ءبىرقاتار شۆەدتىك جانە نورۆەگيالىق ساياساتكەرلەر جاسادى.
«مۇنداي ماڭىزدى سىيلىققا ۇسىنىلعانىمنىڭ ءوزى مەن ءۇشىن ۇلكەن قۇرمەت. بۇل كەرەمەت جانە ازداپ قىزىق تا» ، - دەدى 16 جاستاعى وقۋشى قىز Aftonbladet باسىلىمىنا بەرگەن سۇحباتىندا.
وتكەن جىلدىڭ تامىز ايىندا گرەتا ستوكگولمدەگى پارلامەنت عيماراتىنىڭ الدىنا جالعىز ءوزى ەرەۋىلگە شىققان بولاتىن. ول شۆەتسيا زياندى قالدىقتاردى ازايتۋ جونىندەگى پاريج كەلىسىمى شارتتارىن ورىندامايىنشا مەكتەپكە بارمايتىندىعىن مالىمدەگەن. ارتىنشا ول كليمات ماسەلەلەرى بويىنشا ب ۇ ۇ كونفەرەنتسياسى مەن داۆوستا وتكەن فورۋمعا شاقىرتۋ الدى
