جول پوليتسەيلەرىنە الاتاياقتى قايتارۋ ۇسىنىلدى
اتالعان دەپۋتاتتىق ساۋالعا سەناتورلاردىڭ وڭىرلەردەگى كەزدەسۋى كەزىندە كوتەرىلگەن ماسەلەلەر، سونىمەن قاتار قوزعالىستى رەتتەۋ بارىسىندا جول- پاترۋلدىك پوليتسيا قىزمەتكەرلەرىن قاعىپ كەتۋ سەكىلدى وقيعانىڭ تىركەلۋى ستاتيستيكاسى دا نەگىز بولدى.
«وسىعان بايلانىستى تەك جولداعى قوزعالىستى رەتتەۋ ءۇشىن الاتاياقتى (جەزل) پايدالانۋ دۇرىستىعىن قاراستىرۋ ۇسىنىلادى»، - دەدى گ. كيم.
ەستەرىڭىزگە سالا كەتەيىك، 2017 -جىلدىڭ 1 - قاڭتارىنان باستاپ ىشكى ىستەر ورگاندارىنىڭ قىزمەتكەرلەرى كولىكتەردى توقتاتۋ ءۇشىن ارنايى تاياقشا قولدانباي كەلەدى. 2017 -جىلعا دەيىن قولدانىلىپ كەلگەن پوليتسەيلەردىڭ الاتاياقتارى جيناقتالىپ، ارنايى ساقتاۋ ءۇشىن قويمالارعا جىبەرىلگەن.
اتاپ ايتقاندا، وتكەن جىلى كوكتەمدە ق ر پارلامەنتى سەناتىنداعى پارلامەنتتىك تىڭداۋدا كوشە قيىلىسىندا قوزعالىستى رەتتەيتىن پوليتسەيلەرگە الاتاياقتاردى قايتارىپ بەرۋ ۇسىنىسى ايتىلعان ەدى. اسىرەسە، بۇل الاتاياقتاردىڭ تۇنگى ۋاقىتتا قاجەتتىگى ءسوز بولدى.
سونىمەن قاتار 2017 -جىلدىڭ كۇزىندە ق ر ىشكى ىستەر مينيسترلىگى پوليتسەيلەرگە الاتاياق قايتارىلمايتىنىن اتاپ ءوتتى.
اۆتور: رۋسلان عابباسوۆ
