شىلدەدەن باستاپ مەملەكەتتىك قىزمەتشىلەردىڭ جالاقىسى قالاي وسەدى؟

«سارالانعان كىرىستى ەسەپتەي وتىرىپ، بيۋجەت سالاسىنداعى ايلىعى تومەن قىزمەتكەرلەردىڭ جالاقىسىن كوتەرۋ ءۇشىن 2019-جىلدىڭ 1- شىلدەسىنەن باستاپ 169,7 ميلليارد تەڭگە بولىنەتىن بولادى. ۇلتتىق ەكونوميكا مينيسترلىگى وبلىستىق، اۋداندىق جانە اۋىلدىق دەڭگەيدەگى ەڭبەك ەتەتىن ايلىعى تومەن قىزمەتكەرلەردىڭ لاۋازىمدىق ەڭبەكاقىسىنىڭ كوەفيتسەنتىن ارتتىرۋ جولىمەن ءبىرىڭعاي ەڭبەك تولەمى جۇيەسىنە وزگەرىس ەنگىزىپ جاتىر. بۇل رەتتە 37 مىڭ مەملەكەتتىك قىزمەتشى قامتىلاتىن بولادى»، - دەيدى قارجى ۆيتسە-ءمينيسترى تاتيانا ساۆەليەۆا پارلامەنت ءماجىلىسىنىڭ ق ر 2019-2023-جىلدارعا ارنالعان الەۋمەتتىك-ەكونوميكالىق دامۋ بولجامىن ناقتىلاۋعا ارنالعان وتىرىسىندا.

ونىڭ ايتۋىنا قاراعاندا، ورتاشا ەسەپپەن ايلىق 25 پايىزعا، ال مامانداردىڭ جالاقىسى 25-30 پايىزعا، بولىمشە باسشىلارىنىڭ ايلىعى 10-15 پايىزعا وسەدى.

ۆيتسە-مينيستر ءوز سوزىنە قاراعاندا، ەڭبەك جانە حالىقتى الەۋمەتتىك قورعاۋ مينيسترلىگى ازاماتتىق قىزمەتكەرلەرگە قاتىستى جۇمىس جۇرگىزىپ جاتقانىن بايان ەتتى.

«دەنساۋلىق ساقتاۋ جانە ءبىلىم بەرۋ جۇيەلەرى بويىنشا بەلگىلى ءبىر ەرەكشەلىكتەر بار. جاۋاپتى ورگاندار بۇگىنگى تالقى بارىسىندا ول ماسەلە جايلى بايان ەتەتىن بولادى»، - دەيدى تاتيانا ساۆەليەۆا.

ەسكە سالا كەتسەك، پرەزيدەنت «Nur Otan»  پارتياسىنىڭ كەزەكتى XVIII سەزىندە ايلىعى تومەن قىزمەتكەرلەردىڭ جالاقىسىن 30 پايىزعا ارتتىرۋدى تاپسىرعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى