پەداگوگتاردىڭ ەتيكاعا ساي ەمەس ارەكەتىن مينيسترلىككە تەلەگرام ارقىلى حابارلاۋعا بولادى
«جاسوسپىرىمدەردىڭ توبەلەسى مەن پەداگوگتاردىڭ ەتيكاعا ساي ەمەس ءىس-ارەكەتى بار بەينەجازبالاردىڭ الەۋمەتتىك جەلىلەردە تارالعانى جۇرتشىلىقتى الاڭداتىپ وتىر. وسىعان وراي، ق ر ءبىلىم جانە عىلىم مينيسترلىگىنىڭ بالالاردىڭ قۇقىقتارىن قورعاۋ كوميتەتى نەگاتيۆتى ينتەرنەت- كونتەنتتى انىقتاۋ، سونداي-اق، ونىڭ ودان ءارى تارالۋىنىڭ الدىن الۋ جانە زارداپ شەككەن بالالارعا دەر كەزىندە كومەك كورسەتۋ بويىنشا شارالار قابىلداۋ ماقساتىندا «بالالاردى بىرگە قورعايىق» تەلەگرام چاتىن قۇردى. كيبەرقاۋىپسىزدىكتى بەلسەندى تۇردە قاداعالاۋ، اتا-انالارمەن، بالالارمەن سەنىمدى قارىم-قاتىناس ورناتۋ ولاردىڭ ومىرىندە كەزدەسەتىن قايعىلى وقيعالاردىڭ الدىن الۋعا سەپتىگىن تيگىزەدى»، - دەلىنگەن حابارلامادا.
اتالعان چاتقا پەداگوگتار، پسيحولوگتار، ءبىلىم بەرۋ ۇيىمدارىنىڭ باسشىلارى، وبلىستىق، اۋداندىق جانە قالالىق ءبىلىم بەرۋ ورگاندارىنىڭ وكىلدەرى، ق ر ب ع م بالالاردىڭ قۇقىقتارىن قورعاۋ كوميتەتىنىڭ قىزمەتكەرلەرى ەنگەن.
«بۇگىندە الەۋمەتتىك جەلى بارىنە قولجەتىمدى، وندا جاسوسپىرىمدەر قورقىتۋ (بۋللينگ)، بوپسالاۋ سەكىلدى كەلەڭسىز جايتقا تاپ بولىپ جاتادى.
پەداگوگتار مەن اتا-انالار بايقاپ قالعان نەگاتيۆتى كونتەنتى اتالمىش توپقا سالادى. بالالاردىڭ قۇقىقتارىن قورعاۋ كوميتەتىنىڭ ماماندارى ءوز كەزەگىندە ۋاكىلەتتى مەملەكەتتىك ورگاندارمەن بىرلەسىپ، زارداپ شەككەن بالالارعا كومەك كورسەتۋ جانە نەگاتيۆتى كونتەنتتىڭ ودان ءارى تارالۋىنا جول بەرمەۋ ماقساتىندا جەدەل شارالاردى قولعا الادى»، دەلىنگەن حابارلامادا.
