ىشكى ىستەر ءمينيسترى ەڭ وزەكتى سۇراقتار بويىنشا تۇرعىندارمەن كەزدەستى
بۇگىن ىشكى ىستەر ءمينيسترى ەرلان تۇرعىنبايەۆپەن جەكە كەزدەسكەن ەل تۇرعىندارىن مازالايتىن ماسەلەلەر وسى. العاشقى رەت وتكەن كەزدەسۋگە ەلىمىزدىڭ بارلىق وڭىرىنەن 40-قا جۋىق ادام جازىلعان. وزگە ايماقتاردىڭ تۇرعىندارى بەينەبايلانىس ارقىلى حابارلاسىپ، جەكە باسىنا قاتىستى ورقيعانىڭ ءمان-جايىن بايانداپ، مينيستردەن كومەك سۇرادى.
ولاردىڭ قاتارىندا ەلوردا تۇرعىنى حانزادا بالتايەۆا دا بار. اشىنعان انا كومپيۋتەرلىك ويىنداردىڭ كەسىرىنەن بالاسىمەن بايلانىس ۇزىلگەنىن ايتادى. «وسى رەتتە ءتارتىپ ساقشىلارى قوعامدى جايلاعان تۇيتكىلدى ماسەلەگە ەرەكشە نازار اۋدارىپ، تالاي انالاردىڭ كوز جاسىنىڭ تيىلۋىنا مۇمكىندىك بەرسە ەكەن»، - دەيدى حانزادا بالتايەۆا.
حانزادا بالتايەۆا، قالا تۇرعىنى:
- ۇلىمنىڭ ۇيدەن كەتكەنىنە 8 اي بولدى. كوپتەگەن ادامنان ءىرى مولشەردە قارىز الىپ، ۇتىلىپ قالعان. ءوز وتىنىشىمدە بۇل وقيعانىڭ بارلىق جايتتارىن تولىققاندى بايانداپ جازدىم. بۇگىندە شىنىمدى ايتسام قىزىمنىڭ ەڭبەك اقىسىنا عانا ءومىر ءسۇرىپ وتىرمىز. ءتىپتى قۇجات بويىنشا ءۇي يەسى ۇلىمىز بولعاندىقتان، قازىر باسپاناسىز قالدىق.
ءنۇردىلدا وراز، ق ر ءى ءى م رەسمي وكىلى:
- قازىر جاس بالالار ءوزىنىڭ ۋاقىتىن اتا-اناسىنىڭ ۇرىسقانىنا، پوليتسيانىڭ رەيدتەرىنە قاراماستان، كومپيۋتەر ورتالىقتارىندا وتكىزەدى. قاداعالاۋ - پوليتسيانىڭ مىندەتى، بۇدان بولەك اتا-انانىڭ دا پارىزى. وسى رەتتە قوعام پوليتسيا قىزمەتكەرلەرىمەن قاتار ءبىر تولقىندا جۇمىس ىستەيتىن بولسا، ەرتەڭگى كۇنى ءبىز بالالاردى ساۋاتتى وسىرەر ەدىك.
