ديسنەيدىڭ تاعى بەس فيلمى قازاق تىلىنە اۋدارىلدى
ايتا كەتەرلىگى، 2011 -جىلدان بەرى «بولاشاق» ك ق مەن مەلومان كومپانياسى 27 گولليۆۋدتىق كينوكارتينانىڭ قازاق تىلىندەگى دۋبلياجىن جاساپ شىعارعان. قور ديرەكتورى دينارا چايجۋنۋسوۆانىڭ ايتۋىنشا، وسى جىلى كىشكەنتاي كورەرمەندەر نازارىنا قازاق تىلىنە اۋدارىلعان 5 فيلمنىڭ تۇساۋكەسەرى دايىندالۋدا. اتاپ ايتقاندا، 28 - ناۋرىزدا - «دامبو» ، 12 مامىردا - «الاددين» ، 20 - ماۋسىمدا - «ويىنشىقتار حيكاياسى 4» ، 19 - شىلدەدە - «ارىستان پاتشا» جانە 28 - قاراشادا - «مۇزدى ولكە 2» تۋىندىلارى كورەرمەنگە جول تارتادى.
«ءبىز الەمدىك ستۋديانىڭ وتباسىمەن كورۋگە ارنالعان قازاق تىلىندەگى ساپالى كونتەنتىن قولجەتىمدى ەتكىمىز كەلەدى. وسى ماقساتتا وتاندىق ارتىستەرمەن بەلسەندى قارىم- قاتىناس ورناتىپ، العاشقى كاستينگتەرگە 10 نان استام تانىمال اكتەر سىناقتان وتۋگە شاقىرتىلدى. باستى رولدەردى سومدايتىن اكتەرلەردى ديسنەي كومپانياسى بەكىتەتىندىكتەن، ءبىزدىڭ وتاندىق اكتەرلەر ءۇشىن اتالعان جوباعا قاتىسۋ كاسىبي ءوسۋدىڭ نىشانى بولىپ وتىر. وسى ورايدا الداعى كاستينگتەردە دە قازاقستاننىڭ تانىمال تۇلعالارى جوباعا قولداۋ كورسەتىپ، بىرلەسكەن جۇمىستىڭ ارقاسىندا كينوتەاتر زالدارى قازاقستاندىق وتباسىلارعا تولى بولادى دەپ سەنەمىز» ، - دەدى «بولاشاق» ك ق ديرەكتورى دينارا ءشايجۇنىسوۆا وكق- دا وتكەن باسپا ءسوز ءماسليحاتىندا.
ال Disney فيلمىندەگى باستى كەيىپكەردى دۋبلياجداۋشى اكتەر داۋرەن سەرعازيننىڭ ايتۋىنا قاراعاندا، الەمگە تارالعان تۋىندىلاردى قازاق تىلىنە اۋدارۋ جۇمىسىنا قازاق تەاترى مەن كينەماتوگرافياسىنىڭ بارشا اكتەر قاۋىمى قىزىعۋشىلىق تانىتىپ وتىر.
جوبانى ۇيىمداستىرۋشىلار قازاق تىلىندە دۋبلياجدالعان تۋىندىلاردى حالىققا كەڭىنەن تانىتۋ ماقساتىندا ivi.ru ونلاين- كينوتەاترىمەن بىرلەسىپ، اۋقىمدى قايىرىمدىلىق كينوفەستيۆالىن وتكىزۋدى جوسپارلاپ وتىر. جاز مەزگىلىنىڭ باسىندا قور دۋبلياجداعان فيلمدەر بىرنەشە كۇن الماتى تۇرعىندارى ءۇشىن اشىق اسپان استىندا كورسەتىلەتىن بولادى.
بەلگىلى بولعانداي، 2019 -جىلدىڭ كوكتەمى رەجيسسەر تيم بەرتون فانتاستيكا ستيلىندە تۇسىرگەن «دامبو» وتباسىلىق كينوفيلمىنەن باستالادى. 1941 -جىلعى تانىمال مۋلتفيلمنىڭ رەمەيكى ۇلكەن قۇلاعى بار كىشكەنتاي ءپىلدىڭ جانۋارلاردىڭ قورلىعى مەن مازاعىنان شارشاپ، ۇشۋدى ۇيرەنگەن وقيعاسىن باياندايدى. فيلم 2019 -جىلدىڭ 28 - ناۋرىزىندا دۋبلياج دەمەۋشىسى - BI Group قولداۋىمەن وتەدى.
