اسقار مامين: تۇركى تىلدەس مەملەكەتتەردىڭ ەكونوميكالىق بايلانىسىن جانداندىرۋ قاجەت
مەملەكەت باسشىسى نۇرسۇلتان نازاربايەۆتىڭ ىنتىماقتاستىقتىڭ تۇركى ۇيىمدارىنىڭ قۇرىلىمدىق رەفورمالارى، تۇركى ينتەگراتسياسىنىڭ قورىن جانە تمىك بىرلەسكەن ينۆەستيتسيالىق قورىن قۇرۋ بويىنشا ۇسىنعان باستامالارىن ىسكە اسىرۋعا ەرەكشە كوڭىل ءبولىندى.
كەزدەسۋ بارىسىندا تۇركى تىلدەس مەملەكەتتەردىڭ ەكونوميكا سالاسىنداعى ءوزارا ءىس- قيمىل ماسەلەلەرى، سونداي- اق، ينۆەستيتسيالىق ىنتىماقتاستىق، كولىك جانە لوگيستيكانى دامىتۋ، بىرلەسكەن كاسىپورىنداردى قۇرۋ الەۋەتى، ت م ى ك مۇشە مەملەكەتتەردىڭ باسەكەگە قابىلەتتىلىگى مەن ەكسپورتتىق الەۋەتىن ارتتىرۋ ماسەلەلەرى تالقىلاندى.
«تۇركى تىلدەس مەملەكەتتەردىڭ ىنتىماقتاستىعى كەڭەسىنىڭ اياسىندا تۇركى تىلدەس مەملەكەتتەردىڭ ءوزارا ءىس- قيمىلىنىڭ ەكونوميكالىق كۇن ءتارتىبىن قالىپتاستىرۋ بويىنشا جۇمىستاردى جانداندىرۋ كەرەك»، - دەپ ا. مامين، ماشينا جاساۋ، تۋريزم، اگروسەكتور، جەڭىل ونەركاسىپ سالالارىنداعى، سونىمەن قاتار جالپى «قاراپايىم زاتتار ەكونوميكاسىن» دامىتۋ سالاسىنداعى ىنتىماقتاستىقتىڭ زور الەۋەتىن اتاپ ءوتتى.
ءوز كەزەگىندە ب. امىرەيەۆ بيىل ناۋرىزدا استانادا وتكەن ت م ى ك كەدەن قىزمەتتەرى باسشىلارىنىڭ وتىرىسى تۋرالى اقپارات بەردى. جالپى، كەڭەستىڭ كەدەن قىزمەتتەرىنىڭ ءوزارا ءىس- قيمىلى، مۇشە مەملەكەتتەردىڭ كەدەن قىزمەتتەرى اراسىندا ءوزارا تۇسىنىستىك تۋرالى مەموراندۋمدى ىسكە اسىرۋ جانە ساقتاۋ ماسەلەلەرى قارالدى.
