اليك شپەكبايەۆ: كوپتەگەن دامىعان ەلدەر رەفورمانى پوليتسيادان باستاعان
ايتا كەتسەك، كەشە ىشكى ىستەر ءمينيسترى ەرلان تۇرعىمبايەۆ پەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى اليك شپەكبايەۆتىڭ باسشىلىعىمەن، سونداي- اق قوعام وكىلدەرىنىڭ قاتىسۋىمەن ارنايى كەڭەس ءوتتى. باسقوسۋدا ءى ءى م- گىن رەفورمالاۋدىڭ جول كارتاسى نەگىزىندە ازىرلەنگەن قۇقىق قورعاۋ ورگاندارىنداعى جەمقورلىقپەن كۇرەس ماسەلەلەرى جونىندەگى 2019-2020 -جىلدارعا ارنالعان ءىس- شارالار جوسپارى جوباسى تالقىلاندى.
«كوپتەگەن دامىپ كەتكەن مەملەكەتتەر رەفورمانى قۇقىق قورعاۋ ورگاندارىنان، پوليتسيادان باستاعان. ەڭ بىرىنشىدەن، جەمقورلىقتى ازايتۋ ماسەلەسىن ەڭسەرۋدە قوعامنىڭ بەلسەندى ازاماتتارى كىرىسسە، ءبىر ناتيجەگە قول جەتكىزۋگە بولادى. ەلباسىنىڭ ساياسي جىگەرىنىڭ ارقاسىندا ءبىرشاما يگى ىستەردىڭ اتقارىلعانىن ايتا كەتۋ كەرەك. قوعام بەلسەندىلەرىنىڭ، مونيتورينگتىك توپتاردىڭ جۇمىسىنىڭ ارقاسىندا جۇمىسىمىزدا ناقتى ناتيجە بار. سوڭعى ەكى جىلدا قازاقستاندا سىبايلاس جەمقورلىقتىڭ دەڭگەيى 23 پايىزعا تومەندەدى»، - دەدى اليك شپەكبايەۆ.
اليەك شپەكبايەۆ ءوز سوزىندە ىشكى ىستەر مينيسترلىگىن رەفورمالاۋدىڭ جول كارتاسى نەگىزىندە ازىرلەنگەن قۇقىق قورعاۋ ورگاندارىنداعى جەمقورلىقپەن كۇرەس ماسەلەلەرى جونىندەگى 2019-2020 -جىلدارعا ارنالعان ءىس- شارالار جوسپارى تۋرالى ءسوز قوزعاپ، بۇل رەتتە قوعام بەلسەندىلەرىنەن ناقتى ءارى ۇتىمدى ۇسىنىستار تۇسەتىنىنە سەنىم ءبىلدىردى.
اۆتور: ايان بەكەن ۇلى
