جۇكەمبايەۆ پەن سابىروۆتىڭ كاناداداعى جەكپە-جەگى تىكەلەي ەفيردەن كورسەتىلەدى

بۇل تۋرالى ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» اككاۋنتىندا ايتىلدى، دەپ حابارلايدى قازاقپارات ءتىلشىسى.

بۇعان دەيىن حابارلاعانىمىزداي، قازاقستاندىق نوكاۋتشىلار قاتىساتىن بوكس كەشى 16- ناۋرىز كۇنى مونرەال قالاسىندا وتەدى. ونى تىكەلەي ەفيردەن «حابار» تەلەارناسى كورسەتەدى.

سابىروۆتىڭ قارسىلاسى ارگەنتينالىق سەزار رەينوسو (15-11-4، 7 ك و). ەكىنشى ورتا ديۆيزيوندا وتەتىن جەكپە-جەك سەگىز راۋندقا ەسەپتەلگەن. 25 جاستاعى نۇرزات «Eye of the Tiger Managament»  كانادالىق پروموۋتەرلىك كومپانياسىنىڭ قامقورلىعىندا. ول 2018-جىلدىڭ 24- قاراشاسىندا وتكەن سوڭعى كەزدەسۋىندە مەكسيكالىق بوكسشى روككي مونتويانى (32-3، 22 ك و) ەكىنشى راۋندتا نوكاۋتقا جىبەرگەن بولاتىن.

باتىر جۇكەمبايەۆ بولسا مەكسيكالىق بوكسشى كارلوس حيمەنەسكە (14-9-1،  8 ك و) قارسى تۇرادى. بۇل، قازاقستاندىق سپورتشىنىڭ كاسىپقوي بوكستاعى 15- جەكپە-جەگى. سوڭعى كەزدەسۋىن بىلتىرعى جىلدىڭ 6- قازانى كۇنى كۆەبەكتە وتكىزگەن ەدى. ول مەكسيكا وكىلى پاتريسيو لوپەس مورەنونى (21-3، 15 ك و) جەتىنشى راۋندتا نوكاۋتقا ءتۇسىردى.

«حابار» ارناسىنداعى ترانسلياتسيا 17- ناۋرىز كۇنى، استانا ۋاقىتىمەن ساعات 08.00 دە باستالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى