تۇركىستاندا تۋريستىك ايماق قۇرىلادى
وندا ءوڭىر باسشىسى جاڭادان بوي كوتەرەتىن تۋريستىك ايماقتىڭ جوباسىمەن تانىستى، دەپ حابارلايدى تۇركىستان وبلىسى اكىمدىگىنىڭ باسپا ءسوز قىزمەتى.
«ازىرەت سۇلتان» قورىق- مۇراجايى ايماعى ماڭىنداعى ورتاق ەلدى مەكەنىنەن ياساۋي كەسەنەسى جاقسى كورىنەدى. ءدال وسى جەردەن جاڭا تۋريستىك ايماق سالۋ قاجەت. تۇرعىن ۇيلەر شىعىستىق ۇلگىمەن سالىنىپ، بيىكتىگى 3 قاباتتان اسپايتىن بولادى. سونداي- اق، سول قالانى قاق جاراتىن وزەن جۇرگىزىپ، اينالاسىنا كولشىكتەر جاساۋ كەرەك. بۇل قالاداعى ىلعالدىلىقتى ارتتىرادى. تۋريستەر ءۇشىن ارنايى ەتنواۋىل دا ورىن تەبەتىن بولادى. ءتيىستى باسقارمالارعا قۇرىلىستى باستاۋ ءۇشىن ارنايى زەرتتەۋ جۇرگىزىپ، قۇجاتتامالارىن ازىرلەۋدى تاپسىرامىن. سونىمەن قاتار، بارلىق ينفراقۇرىلىم ماسەلەلەرى شەشىلەتىن بولۋى ءتيىس»، - دەدى ءومىرزاق ەستاي ۇلى.
بۇدان سوڭ وبلىسى اكىمى تۇركىستان قالاسىنىڭ كىرەبەرىس قاقپاسىنا ايالدادى. وندا الداعى ۋاقىتتا قالانىڭ شىرايىن اشاتىن عيماراتتار بوي كوتەرۋ قاجەتتىگىن ايتتى.
«تۇركىستان قالاسىنىڭ كىرەبەرىس قاقپاسى كورىكتى بولۋى ءتيىس. وبلىس ورتالىعىنا كەلگەن تۋريستەر اۋەلى جاڭا قالانى كورىپ، كەيىن كونە قالامەن قاۋىشۋى قاجەت. سول ءۇشىن قالانىڭ قاقپا تۇسىندا زاماناۋي عيماراتتار بوي كوتەرۋى كەرەك»، - دەدى وبلىس اكىمى.
سونداي- اق، وبلىس ورتالىعىنداعى ساپار اياسىندا ءوڭىر باسشىسى قالانى سۋلاندىرۋ جۇيەسىمەن، جاسىل جەلەك جۇمىستارىمەن تانىس بولىپ، ءبىرقاتار تاپسىرمالار بەردى.
وسىعان دەيىن وبلىس اكىمى ءومىرزاق شوكەيەۆتىڭ تۇركىستانداعى كوشەلەردى كەڭەيتىپ، جاڭا اۆتوبۋستار جۇرگىزۋ قاجەتتىگى تۋرالى قۇزىرلى ورگان وكىلدەرىنە تاپسىرما بەرگەندىگىن جازدىق.
