الماتىدا ءال- فارابي داڭعىلىنان جوعارىدا قۇرىلىس سالۋ تالابى وزگەردى

ءماسليحاتتىڭ شەشىمىنە ءتيىستى وزگەرىستەر ەنگىزۋ تۋرالى قۇجات ەلەكتروندى ۇكىمەت پورتالىندا جاريالاندى.

«شىعىس اينالما جولىنان، ءال- فارابي داڭعىلىنان، ساين، جاندوسوۆ كوشەسىنەن جوعارى ايماقتا سالىناتىن عيماراتتىڭ بيىكتىگى ءۇش قاباتتان نەمەسە 12 مەتردەن اسپاۋى كەرەك. بۇل تالاپ الەۋمەتتىك ماڭىزى بار حالىقارالىق دەڭگەيدەگى دەنساۋلىق ساقتاۋ، ءبىلىم، مادەنيەت جانە تۋريزم سالاسىنداعى عيماراتتاردان باسقالارىنا تولىق جۇرەدى»، - دەپ جازىلعان جاڭا قۇجاتتا.

 بۇعان دەيىنگى رەگلامەنتتە عيماراتتاردىڭ استىندا پاركينگ بولعان جاعدايدا كولەمى 15 مەتردەن اسپاۋى كەرەك دەگەن تالاپ بولعان.

سونىمەن قاتار، بۇل ەرەجە جۇرمەيتىن عيماراتتاردىڭ قاتارىنا مادەنيەت جانە تۋريزم نىساندارى دا قوسىلدى.

اتالعان قۇجاتتى قوعامدىق تالقىلاۋ 25 - ناۋرىزعا دەيىن جالعاسادى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى