جان العىش ۇشاق. نەگە «بوينگ» قۇلاپ جاتىر؟
باسقارۋعا كونبەيتىن ۇشاق 2018 -جىلدىڭ قاراشاسىندا اپاتقا ۇشىراعان Boeing 737 MAX ۇشاعىن زەرتتەۋ بارىسىندا ا ق ش- تىڭ فەدەرالدى ازاماتتىق اۆياتسيا باسقارماسى سۇمدىق جايتتىڭ باسىن اشتى. زەرتەۋ كەزىندە اتالمىش ۇشاقتاردا ءبىرقاتار اقاۋ بار ەكەنى انىقتالدى. وسىعان ۇقساس 246 ۇشاقتا اۆتوماتتىڭ جۇمىسى ىستەن شىعۋى مۇمكىن ەكەنى حابارلاندى. Boeing ساراپشىلارى مەن قۇزىرلى ورگانداردىڭ وكىلدەرى اقاۋ ۇشاقتىڭ تۇمسىق بولىگىنىڭ يىلۋىنە اكەلەتىنىن جانە مۇنداي كەزدە ۇشاقتى باسقارۋعا كونبەيتىنىن انىقتادى. قاراپايىم تىلمەن ايتقاندا، ۇشۋ بارىسىندا ۇشاق ءوز ەركىمەن شەشىم قابىلداۋى مۇمكىن. لاينەردىڭ اقاۋى ۇشۋعا بەت العاندا نە بيىكتىك العاندا بايقالادى. وسى سەبەپتى مالايزيا مەن ەفيوپياداعى ۇشاقتار جەردەن اجىراعاننان سوڭ كوپ ۋاقىت وتپەي قۇلاعان. مالاي ەلىندە 189, ال Ethiopian Airlines-كە تيەسىلى Boeing 737 MAX ۇشاعىنىڭ بورتىندا بولعان بارلىق 149 جولاۋشى مەرت بولعان.
ءبىرىنشى جاعداي ەمەس Boeing 737 MAX 8 - تار فيۋزەلياجدى اۆيالاينەردىڭ ءتورتىنشى بۋىنى. 2016 -جىلدان باستاپ قولدانىسقا ەنگەن ۇشاق 162-175 جولاۋشى تاسىمالداۋعا قابىلەتتى. قازىرگى تاڭدا وسى مودەلدەگى 350 ۇشاق قولدانىسقا بەرىلگەن. ۇشاقتى سىناۋ كەزىندە دە، تەكسەرىس ۇشۋ كەزىندە دە ەشقانداي اقاۋ بايقالماعان بولۋ كەرەك. ويتكەنى امەريكالىق كومپانيا بۇل تۋرالى ءتىس جارعان جوق. ارينە، بولار- بولماس اقاۋدىڭ ءوزى ۇلكەن داۋ- دامايعا، قوماقتى كەلىسىمشارتتاردىڭ بۇزىلۋىنا اكەپ سوقتىراتىنى بەلگىلى. وسى سەبەپتى دە امەريكالىق كومپانيا جۇمعان اۋزىن اشپاسا كەرەك. The Wall Street Journal باسىلىمىنىڭ جۋرناليستەرى Boeing ۇشاعىندا اقاۋ بار ەكەنىن العاش زەرتتەپ، امەريكالىق كومپانيانىڭ بۇل تۋرالى ادەيى جاريا قىلماعانىنان مالىمدەگەن ەدى. Boeing 737 MAX 2016 -جىلدىڭ قاڭتار ايىندا العاش رەت ۇشىپ، ءساتتى قونعان بولاتىن. قۇنى $117 ميلليون بولاتىن MAX 8 نۇسقاسى الەمدە سۇرانىسى جوعارى ۇشاقتاردىڭ ءبىرى بولىپ قالا بەرمەك.
«اۋرۋ» قۇس Boeing 737 ۇشاعىنا قاتىستى العاشقى پروبلەمالار ەفيوپيا مەن مالايزياداعى قايعىلى جايتتان بۇرىن باستالعان. وسىعان ۇقساس ۇشاقتار وتكەن عاسىردىڭ 90 - جىلدارى اپاتقا ءجيى ۇشىرايتىن. سەبەبى تەز ارادا انىقتالدى. ۇشاق تۇتقاسى باسقارۋعا كونبەي، قاتىپ قالاتىن بولعان. ا ق ش فەدەرالدى ۆەدومستۆوسىنىڭ ەسەپتەسەنى سايكەس ۇشاق تۇتقاسىنىڭ باسقارۋعا كونبەي، قاتىپ قالعانىنىڭ سالدارىنان 10 ۇشاق اۋە اپاتىنا ۇشىراۋ مۇمكىن بولعان. جانجالدان كەيىن ا ق ش كومپانياسى Boeing 737 ۇشاقتارىنداعى اقاۋدى جوندەگەن.
تىيىم سالۋ Boeing 737 MАХ الەمدە سۇرانىسقا يە ۇشاقتاردىڭ ءبىرى. ەڭ ءىرى ساتىپ الۋشى - قىتاي. اسپان استى ەلىندە 60 قا جۋىق Boeing 737 MАХ ۇشاقتارى جولاۋشى تاسىمالداپ ءجۇر. دەگەنمەن قازىردىڭ وزىندە يندونەزيا، ۇلى بريتانيا جانە قىتاي ەلدەرى Boeing 737 MАХ ۇشاقتارىنىڭ ۇشۋىنا تىيىم سالدى. ق ح ر ۇكىمەتى امەريكالىق كومپانيادان كەپىلدىك سۇراپ وتىر. ەلىمىزدە Boeing 737 MАХ ۇشاعى تەك SCAT كومپانياسىندا بار. 2017 -جىلى قازاقستاندىق اۋە تاسىمالداۋشى Boeing كومپانياسىمەن وسى تيپتەس التى ۇشاقتى ساتىپ الۋعا كەلىسىمشارتقا وتىرعان بولاتىن. ازىرگە تەك ءبىر Boeing 737 MАХ قولدانىستا.
Massaget.kz
