ينسۋلتتەن ويانعان اعىلشىن ايەلى كۇتپەگەن جەردەن ورىسشا سويلەپ كەتتى
انگليانىڭ ليۆەرپۋل قالاسىنىڭ تۇرعىنى ينسۋلتتەن كەيىن ورىسشا ىرعاقپەن اعىلشىن تىلىندە سويلەدى.
دارىگەرلەر ايەلدى سويلەي الادى دەپ كۇتكەن جوق ەدى.
2014 -جىلى دۇكەندە جۇمىس ىستەپ جۇرگەن 69 جاستاعى روۋز گريففيت كەنەتتەن اۋىرىپ قالدى. ايەل ادام دەنەسىنىڭ وڭ جاق بولىگىن سەزىنىپ، سويلەۋگە، وقۋعا جانە جازۋعا قابىلەتىنىڭ جوقتىعىن بايقادى.
ول اۋرۋحاناعا جاتقىزىلدى. دارىگەرلەر وعان تولىققاندى ءومىر ءسۇرۋ مۇمكىن بولمايتىنىن ءتۇسىندىردى. دەگەنمەن ناۋقاس ايەل تاباندىلىق تانىتىپ، ءبىراز ۋاقىتتان كەيىن سول قولىمەن جازۋدى ۇيرەندى. كەيىنىرەك ول قايتادان سويلەسە باستادى، ءبىراق تۋعاننان اعىلشىن تىلىندە سويلەپ ۇيرەنگەن بريتاندىق ايەلدىڭ سويلەگەن ءسوزى ورىس ىرعاعىنا ۇقسايدى. دارىگەرلەر بۇل سيندرومدى سىرتقى نازاردان - سوققىدان نەمەسە باس ميىنىڭ زاقىمدانۋىنان كەيىنگى اسقىنۋدىڭ كۇردەلىلىگىنەن دەپ ءتۇسىندىردى.
ۋاقىت وتە كەلە ايەل شىعىس ەۋروپانىڭ ىرعاعىمەن، سوسىن نەمىس ىرعاعىمەن سويلەسە باستادى.
«ادامدارمەن اڭگىمەلەسۋدى جاقسى كورەمىن، ءبىراق ينسۋلتتەن كەيىن ادامدار مەنىمەن سويلەسكىسى كەلمەدى، سەبەبى مەن ولاردى تۇسىنبەيدى دەپ ويلايدى. مەن ءوزىمدى جالعىز سەزىندىم» ، - دەيدى ايەل.
بايلانىسسىزدىقتى جەڭۋ ءۇشىن گريففيتس ينسۋلتتەن امان قالعانداردىڭ جەرگىلىكتى قاۋىمداستىعىنا قوسىلدى. بەس جىل وتكەن سوڭ ايەل بۇرىنعى ءوز انا ءتىلىنىڭ ىرعاعىمەن سويلەي المايتىنىن ءتۇسىندى.
«باستىسى مەن سويلەي الامىن، قالاي سويلەگەنىم ماڭىزى ەمەس قوي» ، - دەدى ول.
ايەل ەرىكتىلەر قاۋىمداستىعىنىڭ ەرىكتىسى بولدى. سونداي- اق قايىرىمدىلىق اكتسيالارىنا قاتىسادى.
Stan.kz
