جۇمىسقا جارامسىز قالعان ازاماتتاردىڭ جاردەماقىسى قالاي وزگەرەدى
ۆيتسە-ءمينيستردىڭ ايتۋىنشا، بۇگىندە ەڭبەك ەتۋ قابىلەتىنەن ايىرىلۋ بويىنشا الەۋمەتتىك ساقتاندىرۋ قورىنان بەرىلەتىن تولەماقىنىڭ مولشەرى 22988 تەڭگەنى قۇرايدى. ال جاڭا جۇيە اياسىندا اتالعان تولەم 32,5 پايىزعا ارتادى.
«مىسالى، ادامنىڭ ورتاشا ايلىق تابىسى 100 مىڭ تەڭگەنى، ال جالپى ەڭبەك ەتۋ قابىلەتىنەن ايىرىلۋ دەڭگەيى 65 پايىزدى جانە (قورعا - اۆت. ) قاتىسۋ ءوتىلى 85-ايدى قۇرايتىن جۇيەگە قاتىسۋشى ءۇشىن جاڭا پارامەترلەردى ەسكەرگەندەگى تولەم مولشەرى 31080 تەڭگەنى قۇرايتىن بولادى»، - دەدى س. جاقىپوۆا بۇگىن دەپۋتاتتارعا الەۋمەتتىك ساقتاندىرۋ ماسەلەلەرى بويىنشا كەيبىر زاڭنامالىق اكتىلەرگە وزگەرىستەر ەنگىزۋ تۋرالى زاڭ جوباسىن تانىستىرۋ كەزىندە.
ونىڭ سوزىنە قاراعاندا، اتالعان تولەمگە مۇگەدەكتىگى بويىنشا مەملەكەتتىك الەۋمەتتىك جاردەماقى تولەمىن قوسۋ قاجەت.
«2019 -جىلى 2-توپتاعى مۇگەدەك ءۇشىن مولشەر 45438 تەڭگەنى قۇرايدى. سايكەسىنشە، ەكى تولەمنىڭ جالپى سوماسى 76518 تەڭگەنى قۇرايتىن بولادى»، - دەپ اتاپ كورسەتتى س. جاقىپوۆا.
ايتا كەتەيىك، بۇگىن ق ر ەڭبەك جانە حالىقتى الەۋمەتتىك قورعاۋ مينيسترلىگى ءماجىلىس دەپۋتاتتارىنا مىندەتتى الەۋمەتتىك ساقتاندىرۋ ماسەلەلەرى بويىنشا كەيبىر زاڭنامالىق اكتىلەرگە وزگەرىستەر ەنگىزۋ تۋرالى زاڭ جوباسىن تانىستىردى.
