ەلىمىزدە شەتەلدىك تۋريستەردىڭ جارنا تولەۋ ءتارتىبى ەنگىزىلمەك

بۇل تۋرالى بۇگىن ۇكىمەت وتىرىسىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى ايتتى، دەپ حابارلايدى قازاقپارات ءتىلشىسى.

«ءبىز گرۋزيانىڭ، چەحيانىڭ، ب ا ءا- نىڭ تاجىريبەسى بويىنشا ەلدەردىڭ كەلۋ تۋريزمىن دامىتۋ ءۇشىن نەگىزگى نارىقتاردا جىلجىتۋ ساپاسىن ارتتىرۋدى ۇسىنامىز. بيۋجەتتىك جۇكتەمەنى تومەندەتۋ ءۇشىن كورسەتىلگەن شامادا تەك شەتەلدىك ازاماتتاردان ءبىر تۇنگە 2-4 دوللار مولشەرىندە «Bed Tax» ۇقساس تۋريستىك جارنا تاجىريبەسى ەنگىزىلەتىن بولادى. شارا مەملەكەتتىك باعدارلاما قابىلدانعان ساتتەن باستاپ بۇكىل قازاقستان بويىنشا ارەكەت ەتەتىن بولادى»، - دەدى «قازاقستان رەسپۋبليكاسىنىڭ تۋريستىك سالاسىن دامىتۋدىڭ 2019-2025-جىلدارعا ارنالعان مەملەكەتتىك باعدارلاماسى» جوباسىن تانىستىرعان ارىستانبەك مۇحامەدي ۇلى.

ونىڭ ايتۋىنشا، الىمدار «Kazakh Tourism» ۇ ك ا ق جانىنان اشىلعان بيۋجەتتەن تىس شوتقا تۇسەدى. بۇل كەيىننەن كومپانيانىڭ ءوزىن-ءوزى اقتاپ شىعۋىنا جانە ەلدىڭ تۋريزم سالاسىن ىلگەرلەتۋگە، بيۋجەتتىك جۇكتەمەنى تومەندەتۋگە مۇمكىندىك بەرەدى.

«شارا سونداي-اق، «Kazakh Tourism» ماركەتينگتىك جۇمىسىنىڭ تيىمدىلىگىن ىنتالاندىرادى. شەتەلدىك تۋريستەر اعىنىنىڭ ۇلعايۋىنان كوبىرەك الىمدار الاتىن بولادى. ءبىرىنشى كەزەڭدەردە شارادان تۇسكەن قارجىلىق تۇسىمدەر كەيىننەن ۇلعايىپ، جىلىنا 1,5 ميلليارد تەڭگەنى قۇرايدى»، - دەدى مينيستر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى