كاسىپكەرلەرگە بەرىلەتىن كرەديت مولشەرلەمەسى تومەندەدى

ە. دوسايەۆ كرەديت بەرۋ نارىعىنىڭ قالپىنا كەلىپ جاتقاندىعىن ايتتى.

«2019-جىلعى قاڭتاردا 898 ميلليارد تەڭگە سوماعا جاڭا كرەديتتەر بەرىلدى. بۇل وتكەن جىلعى وسىنداي كەزەڭنەن 8,2 پايىزعا كوپ. كرەديتتىك پورتفەل 2019-جىلعى قاڭتاردىڭ سوڭىندا 12,5 تريلليون تەڭگەنى قۇرادى»، - دەدى ول.

ۇ ب باسشىسى كاسىپورىندارعا تەڭگەمەن كرەديتتەر بويىنشا مولشەرلەمە 2018-جىلدىڭ باسىنداعى 13,2 پايىزدان 2019-جىلعى قاڭتاردا 12,4 پايىزعا دەيىن تومەندەگەنىن، قىسقا مەرزىمدى كرەديتتەر بويىنشا مولشەرلەمە 12,9 پايىزدان 12,3 پايىزعا دەيىن، ۇزاق مەرزىمدى كرەديتتەر بويىنشا 14,3 پايىزدان 13,8 پايىزعا دەيىن تۇسىرىلگەنىن اتاپ ءوتتى.

«ەكونوميكانىڭ باسىم سەكتورلارى ءۇشىن 600 ميلليارد تەڭگە سوماعا ۇزاق مەرزىمدى رەسۋرستار بەرۋ مىندەتى اياسىندا قازاقستان ۇلتتىق بانكى ۇكىمەتپەن جانە بانكتەرمەن بىرلەسىپ جوبالاردى قارجىلاندىرۋ تەتىكتەرىن ازىرلەدى. قازىرگى ۋاقىتتا ولار ىسكە اسىرىلۋدا. 2019-جىلعى 1- ناۋرىزدا ەكى بانكتىڭ 25 ميلليارد تەڭگە سوماعا وبليگاتسيالارى ساتىپ الىندى»، - دەدى ە. دوسايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى