بەيجىڭگە كوگىلدىر وتىن قازاقستان ارقىلى وتەتىن گاز قۇبىرىمەن جەتكىزىلەدى
بۇل شاھاردا دا وقىس وقيعادان گاز جارىلاتىن جاعدايلار كەزدەسەدى. سوندىقتان گازبەن قامتاماسىز ەتۋدىڭ قاۋىپسىزدىگى جىلدان- جىلعا كۇشەيىپ كەلەدى.
جالپى، بەيجىڭگە كوگىلدىر وتىن قازاقستان ارقىلى وتەتىن «ورتالىق ازيا - قىتاي» گاز قۇبىرىمەن جەتكىزىلەدى. بىلتىر قىتاي استاناسى 19 ميللياردقا جۋىق تەكشە مەتر گاز پايدالانعان. ەلدەگى گاز قاۋىمداستىعى ءتوراعاسىنىڭ ورىنباسارى چي گۋوتسزيننىڭ ايتۋىنشا، بۇل سالاداعى قاۋىپسىزدىكتىڭ ستاندارتىن زامان تالابىنا ساي سولتۇستىك امەريكا، ەۋروپا، جاپونيا جانە وڭتۇستىك كورەي ەلدەرىنىڭ تاجىريبەسىن ەنگىزىپ جاتىر. گازدى تارتۋ قۇرال- جابدىقتارىن جاڭارتىپ، قاۋىپسىزدىككە بارىنشا كوڭىل اۋدارىلادى.
زاڭعا سايكەس قۇبىرلاردى تەكسەرىپ تۇرۋعا گاز جەتكىزۋشى كومپانيا جاۋاپتى. حالىق تا جاۋاپكەرشىلىكتەن بوساتىلماعان. وقىس وقيعانىڭ الدىن الۋ ءۇشىن تۇتىنۋشى ارنايى نۇسقاۋلىققا سايكەس وتىندى ساقتىقپەن قولدانۋعا، كۇدىك تۋىنداعان جاعدايدا، جەدەل جەلىگە قوڭىراۋ شالۋعا مىندەتتى.
چي گۋوتسزين، قىتاي گاز قاۋىمداستىعى ءتوراعاسىنىڭ ورىنباسارى:
- ادەتتە گاز كومپانياسى ءوزىنىڭ جەلىلەرى بويىنشا تەكسەرۋ جۇرگىزەدى. بۇعان قالانىڭ سىرتىنان باستاپ اۆتوماتتى تۇردە گاز قۇيىلىپ تۇراتىن ستانسيالارعا دەيىنگى قۇبىرلار جاتادى. جوعارى قىسىمدى جەلىلەر مەن عيماراتتارعا بەرىلەتىن تومەن قىسىمدى قۇبىرلار دا ءبىزدىڭ قۇزىردا. بۇل تەكسەرۋلەردىڭ شىعىنىن ءوزىمىز وتەيمىز. ەگەر اقاۋ كليەنتتىڭ اۋماعىنان شىقسا، بولشەكتەردى اۋىستىرۋ سياقتى وزگە دە شىعىندى ءوز قالتاسىنان تولەيدى.
www.24.kz
