تاريحي «قازاق حاندىعى. التىن تاق» كارتيناسى پروكاتقا شىعادى

«اتالعان اۋقىمدى جوبانىڭ ەكىنشى ماۋسىمىن ق ر مادەنيەت جانە سپورت مينيسترلىگىنىڭ تاپسىرىسى بويىنشا ش. ايمانوۆ اتىنداعى «قازاق فيلم» كينوستۋدياسى تۇسىرگەن»، - دەلىنگەن حابارلامادا.

تاريحقا كوز جۇگىرتسەك، XV عاسىردىڭ ورتا شەنىندە شىڭعىس حان مەن ءامىر تەمىر يمپەريالارىنىڭ قيراندىسىنىڭ ورنىنا بىرنەشە ۇلىستار بوي كوتەرگەن. ورىس حان تاعىن كۇشپەن يەلەنىپ، 40 جىل بويى جەكە دارا بيلىك قۇرعان ءابىلقايىر حاننىڭ اۋىر ەزگىسى - دەشتى قىپشاق جۇرتىنىڭ جاپپاي نارازىلىعىن تۋدىرادى. 1465-جىلى كەرەي مەن جانىبەك سۇلتاندار كوك وردا بيلەۋشىسى ءابىلقايىر شايبانيگە نارازى كوشپەلى تايپالاردى ءبىر تۋدىڭ استىنا جيىپ، جەتىسۋ ولكەسىندە - «قازاق حاندىعىن» قۇردى. الايدا جاس ۇلىستى جورگەگىندە تۇنشىقتىرعىسى كەلگەن ءابىلقايىر حان، اتا جاۋى كەرەي مەن جانىبەككە قارسى جويقىن جورىققا اتتاندى. الدا ۇلى مايدان كۇتىپ تۇرعان ەدى. ال كەرەي حان مەن جانىبەك سۇلتاننىڭ باستى ماقساتى - سىعاناقتاعى التىن تاقتى قايتارىپ الۋ بولاتىن.... وسى تاريحي وقيعالاردى «قازاق حاندىعى. التىن تاق» تاريحي كارتيناسىنان كورە الاسىز.

تاريحي كينوديلوگيا ءىلياس ەسەنبەرليننىڭ «كوشپەندىلەر» تريلوگياسىنىڭ ءبىرىنشى رومانى بويىنشا تۇسىرىلگەن.

فيلمنىڭ رەجيسسەرى - رۇستەم ءابدىراشوۆ. ول «قۇراق كورپە»، «قالادان كەلگەن قىز»، «ستالينگە سىيلىق»، ەلباسى جولى كينوەپوپەياسىنىڭ: «بالالىق شاعىمنىڭ اسپانى»، «وت-وزەن»، «تەمىرتاۋ»، «تىعىرىقتان جول تاپقان» جانە «قازاق حاندىعى. الماس قىلىش» اتتى كينوتۋىندىلارىنىڭ اۆتورى.

ەسكە سالا كەتسەك، استانادا جاقىندا «قازاق حاندىعى. التىن تاق» فيلمىنىڭ تۇساۋكەسەرى وتكەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى