مەن ورالدىم - گولوۆكين جاڭا كەلىسىمشارتتان كەيىن مالىمدەمە جاسادى
«مەن ورالدىم! DAZN- مەن مانسابىمنىڭ جاڭا پاراعىن باستاۋعا جانە مەنىڭ مۇرامدى بەكىتە تۇسۋگە دايىنمىن»، - دەپ جازدى گولوۆكين ينستاگرامدا.
تاراپتار كەلىسىمشارتقا قول قويىلعانى تۋرالى 8- ناۋرىزدا ءمالىم ەتكەن بولاتىن. قۇجات ءۇش جىلعا راسىمدەلگەن. بۇل ۋاقىت ارالىعىندا قازاقستاندىق بوكسشى بارلىعى التى رەت، ياعني جىلىنا ەكى جەكپە-جەكتەن وتكىزەدى. ونىمەن قوسا، 2020 جانە 2021-جىلدارى گولوۆكين «GGG Promotions» كومپانياسىنداعى بوكسشىلار ءۇشىن DAZN- دا ءتورت بوكس كەشىن وتكىزۋ مۇمكىندىگىنە يە بولادى.
گەننادي رينگكە بيىلعى جىلعى ماۋسىمنىڭ 8 ءى نەمەسە 16 سى قايتا ورالاتىنى جوسپارلانۋدا. ونىڭ قارسىلاسىنىڭ ەسىمى ازىرگە بەلگىسىز.
ايتا كەتەيىك، Sports.kz سايتىنىڭ جازۋىنشا، ەرتەڭ لوس-اندجەلەستە گولوۆكين مەن DAZN ستريمينگىلىك سەرۆيسى بىرلەسكەن باسپا ءسوز ءماسليحاتىن وتكىزىپ، كەلىسىمشارت جونىندە رەسمي جاريالايتىن بولادى.
DAZN كومپانياسىنىڭ الەۋمەتتىك جەلىلەردە حابارلاعان اقپاراتىنا سايكەس، جۋرناليستەرمەن جۇزدەسۋ دۇيسەنبى كۇنى، جەرگىلىكتى ۋاقىت بويىنشا ساعات 16:30 دا باستالادى. استانا ۋاقىتىمەن ناۋرىزدىڭ 11 ىنەن 12 سىنە قاراعان ءتۇنى ساعات 02.30 دا.
