قازاقستاندىق جاس اۋىر اتلەت ا ق ش- تاعى الەم چەمپيوناتىندا التىن مەدال الدى

چەمپيوناتتاعى العاشقى مەدالدى قازاقستان قۇراماسىنىڭ قورجىنىنا 16 جاستاعى سپورتشى سايرامكەز اقمولدا سالدى. الماتى وبلىسىنىڭ تۋماسى 61 كيلوگرامعا دەيىنگى سالماق ساناتىندا التىن مەدالدى جەڭىپ الدى. ول ەكى سايىستىڭ قورىتىندىسى بويىنشا 257 كەلى زىلتەمىر كوتەرىپ (جۇلقي كوتەرۋدە - 112 كەلى، سەرپە كوتەرۋدە - 145 كەلى)، بەرىلگەن التى مۇمكىندىكتىڭ بارلىعىن ۇتىمدى پايدالاندى. ەكىنشى ورىندى تۇرىك سپورتشىسى يۋسۋف فەحمي گەنچ - 254 كەلى (108+146) الدى، ال ءۇشىنشى ورىنعا ۆەتنامدىق دينح سانگ بۋي - 243 كەلى (113+130) تۇراقتادى.

ايتا كەتەيىك، 8- ناۋرىزدا باستالعان جاس وسپىرىمدەر اراسىنداعى الەم چەمپيوناتى 15- ناۋرىزعا دەيىن جالعاسادى. وعان الەمنىڭ 50 ەلىنەن 13-17 جاستار شاماسىنداعى 200 دەن استام اتلەت قاتىسۋدا. قازاقستان قۇراماسى وسى دوداعا 5 سپورتشىسىن قوسقان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى