الەمدەگى ەڭ قارت ادام جاپونيادا تۇرادى

جاپونيا تۇرعىنى فۋكۋوكا قالاسىنداعى قارتتار ۇيىندە تۇرادى. سەنبى كۇنى وعان ابىرويلى اتاقتى رەسمي تاپسىرۋ ءراسىمى ءوتتى. ايەل بولسا بۇل جاعداي ونىڭ ومىرىندەگى ەڭ قۋانىشتى ءسات ەكەنىن ايتتى.

تاناكا 1903-جىلدىڭ 2-اقپانىندا تۋعان. ونىڭ كۇيەۋى مەن ۇلكەن بالاسى ەكىنشى دۇنيەجۇزىلىك سوعىستا قايتىس بولعان. قارت ءومىر بويى كۇيەۋى ەكەۋى بىرگە اشقان، كۇرىشتەن دايىندالعان موتي شەلپەكتەرىن ساتاتىن دۇكەندە جۇمىس ىستەگەن. 1970-جىلدارى زەينەتكە شىققان ول بىرنەشە مارتە شەتەلدە - ا ق ش- تا بولعان.

2005-جىلدان بەرى تاناكا فۋكۋوكا قالاسىنداعى قارتتار ۇيىندە تۇرادى. ول ەرتە تۇرعاندى جانە ۇستەل ۇستىندەگى ويىنداردى ۇناتادى. سونداي-اق تاتتىگە دە قۇمار. 103 جاسىندا ول قاتەرلى ىسىككە وپەراتسيا جاساتقان. سودان بەرى دەنساۋلىعىنا شاعىمدانباعان.

ايتا كەتەتىن ماسەلە، جەر شارىنىڭ وسىعان دەيىنگى ەڭ قارت تۇرعىنى دا جاپونيالىق بولاتىن. تيە مياكو وتكەن جىلى 117 جاسىندا قايتىس بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى