رۋسلان جانعازوۆ جەلكەندى سپورتتان تۇڭعىش ازيا چەمپيونى اتاندى

رۋسلان جانعازوۆ جەلكەندى سپورتتاعى laser standard بويىنشا قازاقستان تاريحىنداعى العاشقى التىندى جەڭىپ الدى.

«چەمپيوناتقا جالپى ەسەبى 12 ەلدەن سپورتشىلار قاتىستى. مەنىڭ باعدارلامامدا بەس ەلدىڭ وكىلدەرى باق سىنادى. اتاپ ايتار بولساق، جاپونيا، ماۆريكيي ارالدارى، يندونەزيا جانە يتاليا سپورتشىلارىنا قارسىلاس اتاندىم. جالپى العاندا، قارسىلاستاردىڭ دا الەۋەتى جوعارى. مىسالى، جاپوندار الەم چەمپيوناتىنا تۇراقتى تۇردە قاتىسادى. وسىنداي سىندا التىن الۋ مەن ءۇشىن ۇلكەن مارتەبە. چەمپيوناتقا دايىندىق جاتتىعۋ زالىندا ءوتتى. ويتكەنى، قىس ايلارىندا ءبىزدىڭ سپورت وكىلدەرى ءۇشىن قيىنداۋ. دەگەنمەن، وسىنداي كەدەرگىلەرگە قاراماستان چەمپيون اتانعانىم ءۇشىن قۋانىشتىمىن. جاپوندار مەنىڭ الەۋەتىمدى جاقسى باعالاپ، الەم چەمپيوناتىنا قاتىسۋعا شاقىردى. جالپى العاندا، ەلگە مەدال اكەلسەم دەگەن ويىم ورىندالدى»، - دەيدى رۋسلان جانعازوۆ.

بۇدان بولەك، قازاقستان اتىنان سىنعا تۇسكەن كارينا جانعازوۆا 8-ءشى، ۆلاديمير شانكين 13- ورىننان كورىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى