تۇرسىنبەك قاباتوۆ قازاقتىڭ رۋحىن كوتەرۋ ءۇشىن دومبىرا ءپانىن ەنگىزۋدى ۇسىندى
ازىلكەشتىڭ ايتۋىنشا، بيلىك قولىندا بولسا، ول مەكتەپ باعدارلاماسىنداعى بىرنەشە ساباقتى الىپ تاستاپ، ورنىنا دومبىرا ساباعىن قويادى ەكەن.
«ءار قازاق قولىنا دومبىرا ۇستاپ، وتىرعان جەرىندە يگىگاي دەسە، وندا تۇرعان نە بار؟ ءبارى كۇيشى بولىپ كەتسىن، 18 ميلليون حالىقتان وركەستر قۇرايىق دەپ وتىرعان جوقپىن. كۇيدى ۇمىتتىق پا، ءداستۇردى ۇمىتتىق پا، بولدى. ودان كەيىن حيميا، فيزيكاڭنىڭ تۇككە قاجەتى جوق»، - دەدى تۇرسىنبەك.
ءارتىستىڭ سوزىنشە، دومبىرا ءپانى مىندەتتى تۇردە ەنۋ كەرەك.
«دومبىرا دەگەن - قازاق. «ناعىز قازاق قازاق ەمەس، ناعىز قازاق - دومبىرا» دەپ قازاق بەكەر ايتپاعان. 45 مينۋت ويناسا بولدى. ءاربىر بالا سول 45 مينۋت تەلەفوندا وتىرادى»، - دەدى تۇرسىنبەك قاباتوۆ.
ونىڭ سوزىنشە، دومبىرا ويناپ، دومبىرا جارىستارىنا بالالار قاتىسسا، بۇل ەڭسەسى ءتۇسىپ، ماقساتسىز جۇرگەن بالالاردىڭ رۋحىن كوتەرۋگە ۇلكەن ۇلەس قوسادى.
