عىلىمعا قاتىستى نورماتيۆتىك قۇقىقتىق اكتىلەردىڭ جوباسىن تالقىلاۋ اياقتالدى

14- اقپاندا عىلىم كوميتەتى ق ر ءبىلىم جانە عىلىم مينيسترلىگى مەن كوميتەتتىڭ سايتىندا ءبىرقاتار نورماتيۆتىك قۇجاتتار جوباسى جاريالانعان بولاتىن.

«ۇلتتىق عىلىمي كەڭەستەر تۋرالى» قر ۇكىمەتىنىڭ 2011-جىلعى 16- مامىرداعى  519№ (23 ۇسىنىس ءتۇستى)، «مەملەكەتتىك عىلىمي-تەحنيكالىق ساراپتامانى ۇيىمداستىرۋ جانە جۇرگىزۋ قاعيداسىن بەكىتۋ تۋرالى» ق ر ۇكىمەتىنىڭ 2011-جىلعى 1- تامىزداعى 891№  (5 ۇسىنىس ءتۇستى)، «عىلىمي جانە (نەمەسە) عىلىمي-تەحنيكالىق قىزمەتتى بازالىق، گرانتتىق، باعدارلامالىق-نىسانالى قارجىلاندىرۋ قاعيداسىن بەكىتۋ تۋرالى» ق ر ۇكىمەتىنىڭ 2011-جىلعى 25- مامىرداعى  575№ (17 ۇسىنىس ءتۇستى)، «ۇلتتىق عىلىمي كەڭەستەردىڭ قۇرامىن بەكىتۋ تۋرالى» ق ر ۇكىمەتىنىڭ 2011-جىلعى 12- شىلدەدەگى  785№ (21 ۇسىنىس ءتۇستى) قاۋلى جوبالارىنا تولىقتىرۋلار مەن وزگەرتۋلەر ەنگىزۋدى تالقىلاۋ 6- ناۋرىزىندا اياقتالدى»، - دەلىنگەن حابارلامادا.

بارلىق ۇسىنىستار عىلىم كوميتەتىنىڭ عىلىم جونىندەگى نورماتيۆتىك- قۇقىقتىق اكتىلەردى جەتىلدىرۋ بويىنشا جۇمىس كوميسسياسىندا قارالادى.

كوميتەت ۇسىنىستاردى ەسكەرە وتىرىپ، قايتا قارالعان جوبالاردى تاياۋ ارادا legalacts.egov.kz سايتىندا جاريالايدى.

ەسكە سالا كەتسەك، بىلتىر تامىز ايىندا عىلىم كوميتەتى عىلىم تۋرالى نورماتيۆتىك-قۇقىقتىق اكتىلەرگە ەنگىزىلەتىن وزگەرىستەردى تالقىلاۋعا بارلىق مۇددەلى تۇلعالاردى شاقىرعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى