مەملەكەتتىك حاتشى «الەمنىڭ جارىعى» اتتى مەرەكەلىك كونسەرتتى تاماشالادى
مەملەكەتتىك حاتشى كونسەرت الدىندا قازاقستان پرەزيدەنتى ن. ءا. نازاربايەۆتىڭ اتىنان ەلىمىزدەگى ايەلدەر قاۋىمىن حالىقارالىق 8 -ناۋرىز مەرەكەسىمەن قۇتتىقتادى.
باقىتجان ساعىنتايەۆ مەملەكەت باسشىسىنىڭ قۇتتىقتاۋ سوزىندە قوعام ومىرىندەگى جانە مەملەكەتتى دامىتۋ ىسىندەگى ايەلدەردىڭ ءرولى ايرىقشا اتالىپ وتكەنى تۋرالى ايتتى.
- سىزدەر ەلدىكتىڭ جۇگىن ەر-ازاماتتارمەن بىردەي ارقالاپ، سان ءتۇرلى سالادا تابىستى ەڭبەك ەتىپ، مەملەكەتىمىزدى نىعايتۋعا، ەلدىگىمىزدى باياندى ەتۋگە بىرەگەي ۇلەس قوسىپ كەلەسىزدەر، - دەلىنگەن قۇتتىقتاۋدا.
سونداي-اق، ەلباسىنىڭ قۇتتىقتاۋىندا ايەلدەر قاۋىمى شاڭىراقتىڭ بەرەكەسى مەن وتباسىلىق قۇندىلىقتاردى ساقتاپ، بۇكىل قوعامنىڭ ۇيلەسىمدى دامۋىنا سەپتىگىن تيگىزىپ وتىرعانى جونىندە ايتىلعان.
- بارشا قازاقستاندىق انالارعا جان-جاقتى قولداۋ كورسەتىپ، قامقورلىق جاساۋ - ەر-ازاماتتاردىڭ بورىشى جانە مەملەكەتتىڭ ەڭ باستى مىندەتى. ءبىز وسى ۇدەدەن شىعۋ ءۇشىن ايانبايمىز، - دەلىنگەن قۇتتىقتاۋ سوزدە.
كونسەرتتە «Astana Ballet»، «جاستار»، تەاترلارىنىڭ ونەرپازدارى، حالىق ارتىستەرى ءا. دىنىشەۆ، ر. رىمبايەۆا، سونداي-اق تانىمال ورىنداۋشىلار ر. مالساگوۆ، ر. نۇرجىگىت، Ayree، ن. كەرمەنبايەۆ، ءا. وقاپوۆ، ا. جورابايەۆا، «جاس سارباز» بالالار حورى، ق. ءابىلدينا ستۋدياسىنىڭ شاكىرتتەرى ونەر كورسەتتى.
