بەردىبەك ساپاربايەۆ: قاعازباستىلىق پەن بيۋروكراتيانى جويۋ قاجەت
استانا قالاسىنىڭ جۇمىسپەن قامتۋ ورتالىعىنا ەلەكتروندى كەزەك جۇيەسى ەنگىزىلگەن، ءوزىن- ءوزى باسقارۋ اۋماعى جۇمىس ىستەيدى جانە ەلەكتروندىق ەڭبەك بيرجاسى جۇمىسىمەن ينتەگراتسيالانعان.
2019 -جىلدىڭ باسىنان بەرى استانانىڭ 500 دەن استام تۇرعىنى جۇمىسپەن قامتۋ ورتالىعى ارقىلى جۇمىسقا ورنالاسقان. جاستار تاجىريبەسىنە 200 گە جۋىق جاس مامان جىبەرىلدى. قازىرگى ۋاقىتتا جۇمىسپەن قامتۋ ورتالىعىندا 5 مىڭنان استام بوس جۇمىس ورنى بار.
بەردىبەك ساپاربايەۆ جۇمىسپەن قامتۋ ورتالىعىنىڭ نەگىزگى مىندەتى - ۋاقتىلى جانە ساپالى الەۋمەتتىك قىزمەت كورسەتۋ ءۇشىن جاعداي جاساۋ ەكەنىن اتاپ ءوتتى. ميينستر اقتوبە قالاسىنداعى «حالىقتىق كەڭسە» جۇمىسىنىڭ وڭ تاجىريبەسىن مىسالعا كەلتىردى. وندا حالىققا قىزمەت كورسەتۋ ورتالىعى، جۇمىسپەن قامتۋ، كوشى- قون، قۇقىقتىق، سيفرلىق قىزمەتتەر، سونداي- اق «قازپوشتا» ا ق جانە ب ج ز ق فيليالدارى ۇسىناتىن مەملەكەتتىك قىزمەتتەردىڭ 600 دەن استام ءتۇرى كورسەتىلەدى. حالىق كەڭسەسىنىڭ بارلىق قىزمەتتەرى «ءبىر تەرەزە» قاعيداتى بويىنشا كورسەتىلەدى.
سونىمەن بىرگە جۇمىسپەن قامتۋ ورتالىعىندا ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسشىلىعىمەن جانە جەرگىلىكتى اتقارۋشى ورگانداردىڭ وكىلدەرىمەن كەزدەسۋ ءوتتى. وندا مەملەكەت باسشىسىنىڭ «Nur Otan» ح د پ XVIII سەزىندە بەرگەن تاپسىرمالارى اياسىندا قابىلدانعان شارالار تالقىلاندى. اتاپ ايتقاندا، بالالار مەن جاعدايى تومەن وتباسىلارعا قولداۋ كورسەتۋ شارالارىن كۇشەيتۋ مەن كەڭەيتۋگە، وڭىرلەردىڭ دەربەس الەۋمەتتىك كارتالارىن جاساۋ جانە اقپاراتتىق دەرەكقورلاردى بىرىكتىرۋگە ەرەكشە نازار اۋدارىلدى.
مينيستر ناعىز مۇقتاج وتباسىن الەۋمەتتىك قولداۋ قاجەتتىگىن ايتتى جانە ولاردى جۇمىسقا ورنالاستىرۋ ءۇشىن جاعداي جاساۋدى تاپسىردى.
«ءار وتباسىنىڭ قاجەتتىلىكتەرىن ەسەپكە الۋ كەرەك جانە قاعازباستىلىق پەن ارتىق بيۋروكراتيالىق پروتسەدۋرالاردى جويۋ قاجەت» ، - دەپ اتاپ ءوتتى ب. ساپاربايەۆ.
استانا قالاسى حالىقتى جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ەرمەك وسپانوۆتىڭ ايتۋىنشا، جىل سايىن استانادا 130 مىڭعا جۋىق ادام الەۋمەتتىك قولداۋمەن قامتىلادى، ونىڭ ىشىندە 10 مىڭنان استام كوپبالالى وتباسىلار، 3500 گە جۋىق از قامتىلعان ازاماتتار بار.
