نازاربايەۆ «قيىن بولسا دا جىميۋ كەرەك» دەپ قازاقستاندىق ەرلىك جايلى ايتتى

«ومىردە قانداي جاعداي بولسا دا جىميۋ كەرەك. اۋىر بولسا دا. (...) تاۋەلسىزدىك العان جىلداردان بەرى مەن قازاقستاندىق حالىقپەن كۇن دەمەي، ءتۇن دەمەي ەڭبەك ەتىپ، تاريحىمىزدىڭ قاۋىپتى بەلەستەرىنەن وتتىك. (...) وتكەنگە قاراپ، كەيدە ويلايمىن، وسىنىڭ بارلىعىن كوتەرۋگە جاراتقان ماعان قالاي قۋات بەردى ەكەن؟»، - دەدى پرەزيدەنت «كوكتەم شۋاعى» ايەلدەر قوعامىنىڭ وكىلدەرىمەن كەزدەسۋىندە.

ول كەڭەس وداعى ىدىراعاننان كەيىن قازاقستاندىقتاردىڭ جالاقىسىز، زەينەتاقىسىز، وتىنسىز، دۇكەندەردە نانسىز جانە كيىمسىز قالعانىن ايتتى. «ءبىزدىڭ جالپى قازاقستاندىق ەرلىگىمىز - تاريحتا تۇڭعىش رەت ءبىز ءوز تاڭداۋىمىز بويىنشا ءوز استانامىزدى سالدىق. بۇل دالادا، مۇمكىن، كەيدە بىرەۋگە ىڭعايسىز، سۋىق بولىپ كورىنەدى، ءبىراق ەندى ءبىز وعان ۇيرەندىك، ويتكەنى بۇل ءبىزدىڭ وتانىمىزدىڭ ورتالىعى»، - دەپ مالىمدەدى پرەزيدەنت.

سونىمەن قاتار، ول كۇردەلى كەزەڭنىڭ كەلە جاتقانىن ەسكەرتتى. «بۇل تەك بىزگە عانا ەمەس، بۇكىل الەمگە دە قاتىستى. ءبىز الەمنىڭ 100-گە جۋىق ەلدەرىمەن ساۋدا جاسايمىز، ەگەر بۇل ەلدەردە ناشار بولسا، بۇل بىزگە دە بىردەن اسەر ەتەدى. مەنىڭ بۇلاي ايتۋىمنىڭ سەبەبى، يمپورتتالاتىن تاۋارلار جالپى باعانى ارتتىرادى، قازاقستاندا ينفلياتسيانى ارتتىرادى. بارلىعى قىمباتتاپ جاتىر. ءبىز جالاقىنى كوبەيتەمىز، ال تاۋار باعاسى كوتەرىلەدى. اقشا قايدا كەتەدى؟ سوندىقتان ءوز تاماعىمىز، ءوز تاۋارلارىمىز - بۇل ءبىز ءۇشىن وتە ماڭىزدى»، - دەدى پرەزيدەنت.

پرەزيدەنت ماگيسترال جولداردىڭ ماڭىزىن اتاپ ءوتتى. «وڭىرلەردى بىرىكتىرۋ كەرەك، وسىمەن اينالىسامىز، سودان كەيىن ارى قاراي دامىتامىز. قالالار، اۋداندار، اۋىلدار. ارينە، بارلىعى بىردەن بولا سالمايدى. قانشا جۇمىس ىستەسەڭ دە، الدا تاعى سونشا مىندەتتەر تۋىندايدى»، - دەدى ول.

دەرەككوز  Tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى